Katujjiqatigiit Piliriarisimajangit

Inuit Tapiriikkut Kanatami timingat (ITK) gavamatuqakkunnit timinnguqtitausimallutik titiraqtausimaqatauvut kiinaujatigut ikajuutiksanik pititaujunnaqtuullutik katujjiqatigiinguninginnut pijjutiqaqtigijaullutik ammalu quvvaqtitsigiaqtiullutik pijausimalirumajunik ungataanuaqsimallutik 65,000-ngullutik Inunnut Canadami ajjigiinngiuqtunik amisunik piliriniujunut avatilirinirmi, inuuqatigiiktulirinirmi, piusituqalirinirmi, ammalu gavamalirinirmi pivalliajuliriniujunut ammalu pijaritujuullutik piliriaksauliqsimajunut Canadaup qutsingningagut. Inuit Tapiriikkut Kanatami (ITK) Inunnut pijjutiqaqtiunirminni piliriaksanik piliriaqaqtiuvaktut piluaqtumik sitamaullutik aviktuqsimaninginnit Inuit Nunanganni, Inuit nunagijatuqanganni: Inuvialuit Aviktuqsimaningat (Nunatsiaq), Nunavut, Nnunavik (Kuipak Taqrangani), ammalu Nunatsiavut (Labrador Taqrangani), piqasiutillugit Inuit nunaliqaqtut inugiaktunirmiuni suurlu Ottawa-mi, Montreal-mi ammalu Edmonton-mi.

Inuit Tapiriikkut Kanatami (ITK) pijjutiqaqtigijauvut Inuit pijunnautigijanginnut ammalu pisimalirumajanginnut Canadaup qutsingningagut isumaqsurunnaqsutik aulatsiniqarutigillugit piliriaqarutimiktigut pijjutiqaqtiullutik Inuit aviktuqsimanirijanginik. Inuit Tapiriikkut Kanatami (ITK) sapujjigiaqtiuvaktut maligaqutiujunik, pilirianik ammalu pijitsirarutiujunik aktuiniqaqpaktunik aanniaqaliqtailimajulirinirmi, inuuqatigiiktulirinirmi, piusituqalirinirmi, gavamalirinirmi ammalu avatilirinirmi pivalliajuliriniujunut ullumi Inunnit.

  • Inuit Tapiriikkut Kanatami (ITK) timingat aulatauvut Katimajiujunit ukunanngat timiujuninngaaqsimajunit ilagijauqataujunit:
    Angijuqqaaq, Inuvialuit Aviktuqsimaningani Kuapuriisangat (IRC)
  • Angijuqqaaq, Makivik Kuapuriisangat
  • Angijuqqaaq, Nunavut Tunngavik Timiqutingat. (NTI)
  • Angijuqqaaq, Nunatsiavut Gavamangat

Ilagijauqataullutik niruarunnaqsutik ilagijaujunut, ukua niruarunnaqtitaunatik Ilagijauqataunginnaqtunut Pijjutiqaqtigijaujut katimajit katimaniqaqtillugit upaksimaqatauvakput:

  • Angijuqqaaq, Inuit Ukiuqtaqtumi Katimajingit (ICC) Canadami
  • Angijuqqaaq, Pauktuutit Arnait Inuit Canadami
  • Angijuqqaaq, Canadami Makkuktut Inuit Katimajingit
Akłuluaqtut Amisuuluarunniiqtitauniksanginut Inuit Nunanganni: Sanarrutiksait ammalu Nalunaiqtausimallutik Annaumajunnautiginiarlugit Kiinaujaliurutiqarnirmi Piliriangulirumajunut (GLI) parnautiliurniq

Akłuluarniup aktuiniqainnaujarninga Inuit Nunanganirmiunik pilirianguliqsimavuq amisuingullutik quttingnirijaujunit aulatsiniqaqtunit Inuit aviktuqsimaninginni ammalu ilagijauqatausimalluni maligaliurniminnut ammalu sapujjigiaqtiunirmi piliriangujunut Inuit Tapiriikkunnut Kanatami amisuini titiraqtausimajuqutini, katimajiralaangujunit, ammalu piliriaqaqtimmariullutik timiqutigijaujunit. June 27, 2019-mi, Inuit Tapiriikkunnut Kanatami Katimajingit kajusitittilauqsimammata piqujivungaarutinik tiliurijjutinik Inuit Tapiriikkut Kanatami piliriniqaqatiqaliqullugit Inuit aviktuqsimaninginnik, Pauktuutikkunnik ammalu Canada Makkuktut Inuit Katimajinginik iluikkaulugit atuliqtitausimaliqullugit Iqqaqtuivviktigut Ikajuqtugausimaliqujijjutit uqaqtausimajut Kingulliqpaarsiutit Unikkaaliangusimajut Asiujijausimajut ammalu Inuaqtausimajut Nunaqaqqaarsimajut Arnangit ammalu Niviaqsiangit Canadami Kiglisiniaqtikkut Tukisiumaliriaqsutik piliriarisimajanginni. Inungnut turaangallutik Iqqaqtuivviktigut Ikajuqtugausimaliqujijjutit naasautinga 16.20 tiliurisimangmata tamarmik gavamagijaujuit ikajuqsisimaliqullugit pigiaqtitausimalirajarningita kiinaujatigut ikajurutiksait ammalu “nalunaiqtausimallutik annaumajunnautiginiarlugit kiinaujaliurutiqarnirmi piliriangujunut pilirijjutiunajaqtunut, ilitaqsisimallutik kiinaujaliurutiqarunnarnirmut pisimaliqtitaujunnarnirnik, aaqqiksuqtausimaliriaqarmata ammalu atuliqtitausimalutik.”

Inuit Tapiriikkut Kanatami (ITK) katimajingit naammaksaisimalilaurmata 2020-2023-mut piliriangulirumallutik parnautit uqaqsimajunik pilirianguliqullugit akłuluartut amisuuluarunniiqtitauqullugit ammalu piliriaksaqarnirminnik parnautiusimallutik piliriaksaujunik akłuluarnirnut nalunaiqsisimalirutiuvaktunik ilaqaqtillugit sivummugiaqtitausimaliqullugit nutaatigut akłuluarniujunut amisuuluarungniiqtitsigiarnirmi sapujjisimaliriarniujut Inuit Nunalilimaanginni. Taimaak piliriangujunnarniaqpata, aaqqiksuisimajariaqarniaqtugut piliriaqarutiksanik kiinaujaqutiksauniaqtunik tusaqtitsisimalirutiksanik Akłuluarniit Amisuuluarungniiqtitausimaliqullugit piliriangujut, ilaqaqtillugit tusaqtittisimalirutiksanik nutaatigut pilirianguliqsimajunut suurlu Nalunaiqtausimallutik Annaumajunnautiginiarlugit Kiinaujaliurutiqarnirmi Piliriangulirumajunut (GLI) parnautinik

Aaqqiksuivallianittinni pilirijjutiujunnaqtunik kiinaujaurutiqarnirmi piliriangujunut nalunaigausimallutik turaaqtitausimajunut Inunnut akłuluaqtunut ilagijauqataujunut kigligijauningini ataaniluunniit ammalu qitiqpasiani kiinaujaliurniqaqtunut Inuit Nunalilimaanginni, taimaujariaqaqsutik qaujigiarutiuvattunik, Inunnut turaangallutik nalunaikkutanik, ammalu tamakkiiqtitauvaksutik pijitsirarutiksanik aaqqiktausimaliriaqaqtunik ammalu qaujisagausimallutik sanarrutiuvagunnarninginnut pilirianguvattunut atuqtauvakkutik naammangniqsauninginik piliriarijauliqullugit piuniqsatigut akłuluarniujut Inuit Nunanganni.

Qanutigiuningit Pilirianguliriaqaqtut

Niruaqtausimaliqtut tuksirautiqaqsimajunit piliriaqaqtigijaujumallutik makuninga piliriniqarunnarialiit:

  • Nalunaiqsisimalutik inuusilirinirmi-kiinaujaliurasuarutilirinirmi aktuisimaningita piliriangujunit suurlu Nalunaiqtausimallutik Annaumajunnautiginiarlugit Kiinaujaliurutiqarnirmi Piliriangulirumajunit (GLI) qutsiktuullutik kiinaujaliurasuarutinik qaujigiaqsimanirmi unikkaaliangusimajutigut imannaittutigut:
    • Akłuluaqtuuniminnit akitunirijaujunik Inuit Nunanganni
    • Inuusilirinirmi-kiinaujaliurasuarutit aktuqtausimaningit Nalunaiqtausimallutik Annaumajunnautiginiarlugit Kiinaujaliurutiqarasunniujunut
  • Aaqqiksuisimalirluni unikkaaliangusimajunik/tukisigiarviksaqutiuniaqtunik (uvvaluunniit isumaliurutiliurlutik saqqitaujunnaqtunik iluliqarlutik tamakkuninga tusagaksaqutiujunik qanuillarinninginut atuqtaujunnaliqtitausimalugit) Inunnut turaangatitaullutik nalunaikkutaliangusimajunut qaujigiarutiuvanniarlutik akłuluarniujunut ammalu sivunirmi tukisigiarviksaqutit piusituqatigut naammaktitausimajunik (malitsiaqtitausimaniarlutik Inuit piusituqarijanginik ammalu aturniqaqtitanginik, ammalu takuksautittisimajunik Inuit atuqsimajanginik piliriniqtigut).
    • Tamanna piliriangunajartuq ikajuqtugausimaniqarlutik qaujimajiullutik timigijaujunit aviktuqsimanirni pijjutiqaqtinit sanarrutilirinirmut qaujimaniqaqtunik akłuluarniujunik amisuuluarungniiqtitsigiarnirmut piliriangujunik atuni aviktuqsimaniujunit.
    • Pijjutiujunut unikkaaliangusimajut tamainnuangallutik pijitsirarutiujulirinirnut ammalu aviktuqsimanirni akłuluarniujunik amisuuluarungniiqtitsigiarnirmut parnautiit atuinnaulirniaqput ikajurutiksauniarlutik taakkununga pilirianut
  • Aaqqiksuisimalirluni sitamaujunik (4) annaumanasuarutigilugit akitunirijaujunut nalunaiqsijjutinik turaangatitausimalutik aviktuqsimaniujunut atuni, ammalu aturlugit Inunnut nalunaikkutaliangusimallutik aaqqiksugausimajunik, qanutuinnaq sivunirmi parnautiliangulirajaqtut ammalu piliriangulirajaqtut aaqqiksuangujunnaqpanniarmata atuqtauvaklutik aviktuqsimaniujunut turaangatitaullutik atuni nalunaiqsijjutiliangusimajut ammalu naammangniqsatigut Inuit pisimaliriaqaqtangit piliriangulirunnaqullugit. qaujigiaqsimalugit pitaqaliriaqarmangaata aviktuqsimaniujut iluani nalunaikkutaqutinik tukisigiarviksaqutiuniaqtut katiqsuangusimaliqtut qaujimalirutiunajaqpata nalunaijaqtausimagiakkannirlutik piliriangusimajariaqarninginnik.
Naigligiaqsimallugit uqausiksait Tuksirautinut Isumaliurutinik

Taakkutiguunaq Tuksirautitigut Isumaliurutinik (RFP), qiniliqsimajugut piliriniqaqnirmiktigut qaujimaniqaqtunik kiinaujaliurutilirinirmut ammalu/uvvaluunniit akłuluarniujunut amisuuluarungniiqtitsigiarnirmut qaujimajimmariujunik ikajuqtigijaulirunnaqsutik Inuit tapiriikkunnut kanatami (ITK) ammalu aviktuqsimanirni piliriaqaqatigillunigit katujjiqatigiigijaujunik aaqqiksuivallianinginni naammaktutigut qaujigiarutiuvanniarlutik sanarrutiulirajaqtunik piuniqsatigut tukisiumalirutiksanik aviktuqsimaniujuit aktuqtausimaninginnit akłuluarniujunit Inuit Nunanganni, ammalu kiinaujaliurasuarutiujunut qaujigiaqsimanirmi unikkaaliuqsimalirajaqtunik piuniqsatigut tukisiumalirutiksanik sapujjisimaliriarutiullutik piliriangujunik suurlu Nalunaiqtausimallutik Annaumajunnautiginiarlugit Kiinaujaliurutiqarnirmi Piliriangulirujunit (GLI) Inuit kiinaujaliurasuarutigivaktangita ammalu inuuqatigiiktut qanuinngitsiarasuarningita. Qaujigiaqsimalirniaqtavut qimirrulutigu isumaliurutiliangusimajut tunngavvigilugit makua piliriangusimajarialiqutiit (atii isumaliurutiliatit ilisimaqataulutik taakkununga):

  • Ilisimatsiaqtuuninga qaujimaniqaqtuuninga tuksirautiqaqtuup, piqasiutillugit piliriaqaqsimaninganik, piliriniqarumaninganik, ammalu nalunaiqtausimallutik pisimaninganik qaujimajiuqattaqsimanirmut katujjiqatigiingujunut turaangajunut annaumanasuarutiginiarlugit akituniuvaktunut qaujigiaqpannirni ammalu kiinaujaliurasuarutiujunik qaujigiaqsimanirnut.
  • Piliriaqaqsimalluni Inuit kiinaujaliurasuarutinginnut pilirianginik, uvvaluunniit piliriaqaqsimalluni akłuluarnilirinirmut qaujigiarutilirinirmut ammalu/uvvaluunniit akłuluarniujunik amisuuluarungniiqtitsigiarnirmut parnautiliangusimajunik atuqsugit kiinaujaliurasuarutinik qimirruivalliajutiujunik
  • Piliriangukainnaqtunik nalunaijainiq, nalunaiqsigiarniq tusaqsauniujunik, amisuilingallugit piliriniuliqsimajunik turaanganiqaqtulimaanut piliriaksanut nalunaiqtausimallutik aviktuqsimaningit III-ngani (qanutigiuningit pilirianguliriaqaqtut)
  • Tikitausimalirunaqsutik nalunaiqsisimajjutiit.
    Kiinaujaqutiksait ammalu kiinaujaqutiksanut nalunaijautit atuqtaujunnarlutik naammagajaqtunut piliriangukainnartunut nalunaijaijjutinut ammalu nalunaiqsisimajjutinut. Taassumunga piliriangukainnarajaqtumut aaqqiisimavut $60,000-nik. isumaliurutiliangusimajut taakkununga niriunniqarviujunut naammaktuujariaqaqtut ilaqatuinnariaqarillutik asiagut akigijaulirunnaqtunik asingitigut qanutigi piliriangulirunnaqtunut isumaksaqsiurutiuniarlutik.
  • Piliriaqaqatiqaqsimaluni nunaqaqqaarsimajut katujjiqatigiinginik piliriniqaqtillugit akłuluarniujut amisuuluaruniiqtitaugiarninginut.

Niriunniqaqtugut piliriangujariaqarniaqtut taakkununga piliriangukainnaqtunut pigiaqtitaunajarningita October 21, 2020-mi ammalu isulisimalirlutik March 31, 2021-mi. tuksirautiqaqtit/katujjiqatigiingujut tunisisimalirunnaqput apiqqutiksaminnik nalunairiarviujumanirminnut tikillugu October 5-mut, kiujausimalirniarlutik sivurngani October 9 ullungata isulivviani.

Kiinaujaqutiksarijauniaqtut

Akigijaunajaqtut kiinaujaqutiksanut piluaqtumik isumaksaqsiurutiuniaqtut qaujigiarniqaqtillugit isumaliurutiliangusimajunik.

Tunisisimalirunnarnirmut Matujausimalirviksanga

October 15, 2020

Qanutuinnaq apiqqusiksaqaruvit uvvaluunniit nalunaijaivviugiaqarutit taakkununga, una qaujigiarviujunnaqtut:

Kelsey Catherine Schmitz
[email protected]