ᑐᒃᓯᕋᐅᑎᑦ ᐃᓱᒪᓕᐅᕈᑎᓂᒃ (RFP): ᐊᓐᓇᐅᒪᔾᔪᑎᒃᓴᐃᑦ ᐊᑭᑐᓗᐊᕐᓂᖏᓄᑦ ᓇᓗᓇᐃᒃᑯᑕᓂᒃ ᐋᖅᑭᒃᓱᐃᓂᕐᒥ ᐊᒻᒪᓗ ᑮᓇᐅᔭᓕᐅᕈᑎᐅᔪᓕᕆᓂᕐᒥ ᖃᐅᔨᒋᐊᕐᓂᖅ ᐊᒃᖢᓗᐊᖅᑐᑦ ᐊᒥᓲᓗᐊᕈᓐᓇᐃᖅᑎᑕᐅᓂᒃᓴᖏᓄᑦ ᐃᓄᐃᑦ ᓄᓇᖓᓐᓂ

ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᑎᒥᖓᑦ (ITK) ᒐᕙᒪᑐᖃᒃᑯᓐᓂᑦ ᑎᒥᖖᒍᖅᑎᑕᐅᓯᒪᓪᓗᑎᒃ ᑎᑎᕋᖅᑕᐅᓯᒪᖃᑕᐅᕗᑦ ᑮᓇᐅᔭᑎᒍᑦ ᐃᑲᔫᑎᒃᓴᓂᒃ ᐱᑎᑕᐅᔪᓐᓇᖅᑑᓪᓗᑎᒃ ᑲᑐᔾᔨᖃᑎᒌᖑᓂᖏᓐᓄᑦ ᐱᔾᔪᑎᖃᖅᑎᒋᔭᐅᓪᓗᑎᒃ ᐊᒻᒪᓗ ᖁᕝᕙᖅᑎᑦᓯᒋᐊᖅᑎᐅᓪᓗᑎᒃ ᐱᔭᐅᓯᒪᓕᕈᒪᔪᓂᒃ ᐅᖓᑖᓄᐊᖅᓯᒪᓪᓗᑎᒃ 65,000 ᖑᓪᓗᑎᒃ ᐃᓄᓐᓄᑦ ᑲᓇᑕᒥ ᐊᔾᔨᒌᖖᒋᐅᖅᑐᓂᒃ ᐊᒥᓱᓂᒃ ᐱᓕᕆᓂᐅᔪᓄᑦ ᐊᕙᑎᓕᕆᓂᕐᒥ, ᐃᓅᖃᑎᒌᒃᑐᓕᕆᓂᕐᒥ, ᐱᐅᓯᑐᖃᓕᕆᓂᕐᒥ, ᐊᒻᒪᓗ ᒐᕙᒪᓕᕆᓂᕐᒥ ᐱᕙᓪᓕᐊᔪᓕᕆᓂᐅᔪᓄᑦ ᐊᒻᒪᓗ ᐱᔭᕆᑐᔫᓪᓗᑎᒃ ᐱᓕᕆᐊᒃᓴᐅᓕᖅᓯᒪᔪᓄᑦ ᑲᓇᑕᐅᑉ ᖁᑦᓯᖕᓂᖓᒍᑦ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ (ITK) ᐃᓄᓐᓄᑦ ᐱᔾᔪᑎᖃᖅᑎᐅᓂᕐᒥᓐᓂ ᐱᓕᕆᐊᒃᓴᓂᒃ ᐱᓕᕆᐊᖃᖅᑎᐅᕙᒃᑐᑦ ᐱᓗᐊᖅᑐᒥᒃ ᓯᑕᒪᐅᓪᓗᑎᒃ ᐊᕕᒃᑐᖅᓯᒪᓂᖏᓐᓂᑦ ᐃᓄᐃᑦ ᓄᓇᖓᓐᓂ, ᐃᓄᐃᑦ ᓄᓇᒋᔭᑐᖃᖓᓐᓂ: ᐃᓄᕕᐊᓗᐃᑦ ᐊᕕᒃᑐᖅᓯᒪᓂᖓᑦ (ᓄᓇᑦᓯᐊᖅ), ᓄᓇᕗᑦ, ᓄᓇᕕᒃ (ᑯᐃᐸᒃ ᑕᖅᕋᖓᓂ), ᐊᒻᒪᓗ ᓄᓇᑦᓯᐊᕗᑦ (ᓛᐸᑐᐊᕆᐅᑉ ᑕᖅᕋᖓᓂ), ᐱᖃᓯᐅᑎᓪᓗᒋᑦ ᐃᓄᐃᑦ ᓄᓇᓕᖃᖅᑐᑦ ᐃᓄᒋᐊᒃᑐᓂᕐᒥᐅᓂ ᓲᕐᓗ ᐋᑐᕙᒥ, ᒪᓐᑐᕆᐋᓪᒥ ᐊᒻᒪᓗ ᐃᑦᒪᓐᑕᓐᒥ.

ᐃᓄᐃᑦ ᑕᐱᕇᒃᑯᑦ ᑲᓇᑕᒥ (ITK) ᐱᔾᔪᑎᖃᖅᑎᒋᔭᐅᕗᑦ ᐃᓄᐃᑦ ᐱᔪᓐᓇᐅᑎᒋᔭᖏᓐᓄᑦ ᐊᒻᒪᓗ ᐱᓯᒪᓕᕈᒪᔭᖏᓐᓄᑦ ᑲᓇᑕᐅᑉ ᖁᑦᓯᖕᓂᖓᒍᑦ ᐃᓱᒪᖅᓱᕈᓐᓇᖅᓱᑎᒃ ᐊᐅᓚᑦᓯᓂᖃᕈᑎᒋᓪᓗᒋᑦ ᐱᓕᕆᐊᖃᕈᑎᒥᒃᑎᒍᑦ ᐱᔾᔪᑎᖃᖅᑎᐅᓪᓗᑎᒃ ᐃᓄᐃᑦ ᐊᕕᒃᑐᖅᓯᒪᓂᕆᔭᖏᓂᒃ. ᐃᓄᐃᑦ ᑕᐱᕇᒃᑯᑦ ᑲᓇᑕᒥ (ITK) ᓴᐳᔾᔨᒋᐊᖅᑎᐅᕙᒃᑐᑦ ᒪᓕᒐᖁᑎᐅᔪᓂᒃ, ᐱᓕᕆᐊᓂᒃ ᐊᒻᒪᓗ ᐱᔨᑦᓯᕋᕈᑎᐅᔪᓂᒃ ᐊᒃᑐᐃᓂᖃᖅᐸᒃᑐᓂᒃ ᐋᓐᓂᐊᖃᓕᖅᑕᐃᓕᒪᔪᓕᕆᓂᕐᒥ, ᐃᓅᖃᑎᒌᒃᑐᓕᕆᓂᕐᒥ, ᐱᐅᓯᑐᖃᓕᕆᓂᕐᒥ, ᒐᕙᒪᓕᕆᓂᕐᒥ ᐊᒻᒪᓗ ᐊᕙᑎᓕᕆᓂᕐᒥ ᐱᕙᓪᓕᐊᔪᓕᕆᓂᐅᔪᓄᑦ ᐅᓪᓗᒥ ᐃᓄᓐᓂᑦ.

ᐃᓄᐃᑦ ᑕᐱᕇᒃᑯᑦ ᑲᓇᑕᒥ (ITK) ᑎᒥᖓᑦ ᐊᐅᓚᑕᐅᕗᑦ ᑲᑎᒪᔨᐅᔪᓂᑦ ᐅᑯᓇᖖᒐᑦ ᑎᒥᐅᔪᓂᖖᒑᖅᓯᒪᔪᓂᑦ ᐃᓚᒋᔭᐅᖃᑕᐅᔪᓂᑦ:

• ᐊᖏᔪᖅᑳᖅ, ᐃᓄᕕᐊᓗᐃᑦ ᐊᕕᒃᑐᖅᓯᒪᓂᖓᓂ ᑯᐊᐳᕇᓴᖓᑦ (IRC)
• ᐊᖏᔪᖅᑳᖅ, ᒪᑭᕕᒃ ᑯᐊᐳᕇᓴᖓᑦ
• ᐊᖏᔪᖅᑳᖅ, ᓄᓇᕗᑦ ᑐᖖᒐᕕᒃ ᑎᒥᖁᑎᖓᑦ. (NTI)
• ᐊᖏᔪᖅᑳᖅ, ᓄᓇᑦᓯᐊᕗᑦ ᒐᕙᒪᖓᑦ

ᐃᓚᒋᔭᐅᖃᑕᐅᓪᓗᑎᒃ ᓂᕈᐊᕈᓐᓇᖅᓱᑎᒃ ᐃᓚᒋᔭᐅᔪᓄᑦ, ᐅᑯᐊ ᓂᕈᐊᕈᓐᓇᖅᑎᑕᐅᓇᑎᒃ ᐃᓚᒋᔭᐅᖃᑕᐅᖏᓐᓇᖅᑐᓄᑦ ᐱᔾᔪᑎᖃᖅᑎᒋᔭᐅᔪᑦ ᑲᑎᒪᔨᑦ ᑲᑎᒪᓂᖃᖅᑎᓪᓗᒋᑦ ᐅᐸᒃᓯᒪᖃᑕᐅᕙᒃᐳᑦ:

• ᐊᖏᔪᖅᑳᖅ, ᐃᓄᐃᑦ ᐅᑭᐅᖅᑕᖅᑐᒥ ᑲᑎᒪᔨᖏᑦ (ICC) ᑲᓇᑕᒥ
• ᐊᖏᔪᖅᑳᖅ, ᐸᐅᒃᑑᑎᑦ ᐊᕐᓇᐃᑦ ᐃᓄᐃᑦ ᑲᓇᑕᒥ
• ᐊᖏᔪᖅᑳᖅ, ᑲᓇᑕᒥ ᒪᒃᑯᒃᑐᑦ ᐃᓄᐃᑦ ᑲᑎᒪᔨᖏᑦ

ᐊᒃᖢᓗᐊᕐᓂᐅᑉ ᐊᒃᑐᐃᓂᖃᐃᓐᓇᐅᔭᕐᓂᖓ ᐃᓄᐃᑦ ᓄᓇᖓᓂᕐᒥᐅᓂᒃ ᐱᓕᕆᐊᖑᓕᖅᓯᒪᕗᖅ ᐊᒥᓱᐃᖑᓪᓗᑎᒃ ᖁᑦᑎᖕᓂᕆᔭᐅᔪᓂᑦ ᐊᐅᓚᑦᓯᓂᖃᖅᑐᓂᑦ ᐃᓄᐃᑦ ᐊᕕᒃᑐᖅᓯᒪᓂᖏᓐᓂ ᐊᒻᒪᓗ ᐃᓚᒋᔭᐅᖃᑕᐅᓯᒪᓪᓗᓂ ᒪᓕᒐᓕᐅᕐᓂᒥᓐᓄᑦ ᐊᒻᒪᓗ ᓴᐳᔾᔨᒋᐊᖅᑎᐅᓂᕐᒥ ᐱᓕᕆᐊᖑᔪᓄᑦ ᐃᓄᐃᑦ ᑕᐱᕇᒃᑯᓐᓄᑦ ᑲᓇᑕᒥ ᐊᒥᓱᐃᓂ ᑎᑎᕋᖅᑕᐅᓯᒪᔪᖁᑎᓂ, ᑲᑎᒪᔨᕋᓛᖑᔪᓂᑦ, ᐊᒻᒪᓗ ᐱᓕᕆᐊᖃᖅᑎᒻᒪᕆᐅᓪᓗᑎᒃ ᑎᒥᖁᑎᒋᔭᐅᔪᓂᑦ. ᔫᓂ 27, 2019-ᒥ, ᐃᓄᐃᑦ ᑕᐱᕇᒃᑯᓐᓄᑦ ᑲᓇᑕᒥ ᑲᑎᒪᔨᖏᑦ ᑲᔪᓯᑎᑦᑎᓚᐅᖅᓯᒪᒻᒪᑕ ᐱᖁᔨᕗᖔᕈᑎᓂᒃ ᑎᓕᐅᕆᔾᔪᑎᓂᒃ ᐃᓄᐃᑦ ᑕᐱᕇᒃᑯᑦ ᑲᓇᑕᒥ ᐱᓕᕆᓂᖃᖃᑎᖃᓕᖁᓪᓗᒋᑦ ᐃᓄᐃᑦ ᐊᕕᒃᑐᖅᓯᒪᓂᖏᓐᓂᒃ, ᐸᐅᒃᑑᑎᒃᑯᓐᓂᒃ ᐊᒻᒪᓗ ᑲᓇᑕᒥ ᒪᒃᑯᒃᑐᑦ ᐃᓄᐃᑦ ᑲᑎᒪᔨᖏᓂᒃ ᐃᓗᐃᒃᑲᐅᓗᒋᑦ ᐊᑐᓕᖅᑎᑕᐅᓯᒪᓕᖁᓪᓗᒋᑦ ᐃᖅᑲᖅᑐᐃᕝᕕᒃᑎᒍᑦ ᐃᑲᔪᖅᑐᒐᐅᓯᒪᓕᖁᔨᔾᔪᑎᑦ ᐅᖃᖅᑕᐅᓯᒪᔪᑦ ᑭᖑᓪᓕᖅᐹᕐᓯᐅᑎᑦ ᐅᓂᒃᑳᓕᐊᖑᓯᒪᔪᑦ ᐊᓯᐅᔨᔭᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᑳᕐᓯᒪᔪᑦ ᐊᕐᓇᖏᑦ ᐊᒻᒪᓗ ᓂᕕᐊᖅᓯᐊᖏᑦ ᑲᓇᑕᒥ ᑭᒡᓕᓯᓂᐊᖅᑎᒃᑯᑦ ᑐᑭᓯᐅᒪᓕᕆᐊᖅᓱᑎᒃ ᐱᓕᕆᐊᕆᓯᒪᔭᖏᓐᓂ. ᐃᓄᖕᓄᑦ ᑐᕌᖓᓪᓗᑎᒃ ᐃᖅᑲᖅᑐᐃᕝᕕᒃᑎᒍᑦ ᐃᑲᔪᖅᑐᒐᐅᓯᒪᓕᖁᔨᔾᔪᑎᑦ ᓈᓴᐅᑎᖓ 16.20 ᑎᓕᐅᕆᓯᒪᖕᒪᑕ ᑕᒪᕐᒥᒃ ᒐᕙᒪᒋᔭᐅᔪᐃᑦ ᐃᑲᔪᖅᓯᓯᒪᓕᖁᓪᓗᒋᑦ ᐱᒋᐊᖅᑎᑕᐅᓯᒪᓕᕋᔭᕐᓂᖏᑕ ᑮᓇᐅᔭᑎᒍᑦ ᐃᑲᔪᕈᑎᒃᓴᐃᑦ ᐊᒻᒪᓗ “ᓇᓗᓇᐃᖅᑕᐅᓯᒪᓪᓗᑎᒃ ᐊᓐᓇᐅᒪᔪᓐᓇᐅᑎᒋᓂᐊᕐᓗᒋᑦ ᑮᓇᐅᔭᓕᐅᕈᑎᖃᕐᓂᕐᒥ ᐱᓕᕆᐊᖑᔪᓄᑦ ᐱᓕᕆᔾᔪᑎᐅᓇᔭᖅᑐᓄᑦ, ᐃᓕᑕᖅᓯᓯᒪᓪᓗᑎᒃ ᑮᓇᐅᔭᓕᐅᕈᑎᖃᕈᓐᓇᕐᓂᕐᒧᑦ ᐱᓯᒪᓕᖅᑎᑕᐅᔪᓐᓇᕐᓂᕐᓂᒃ, ᐋᖅᑭᒃᓱᖅᑕᐅᓯᒪᓕᕆᐊᖃᕐᒪᑕ ᐊᒻᒪᓗ ᐊᑐᓕᖅᑎᑕᐅᓯᒪᓗᑎᒃ.”

ᐃᓄᐃᑦ ᑕᐱᕇᒃᑯᑦ ᑲᓇᑕᒥ (ITK) ᑲᑎᒪᔨᖏᑦ ᓈᒻᒪᒃᓴᐃᓯᒪᓕᓚᐅᕐᒪᑕ 2020-2023-ᒧᑦ ᐱᓕᕆᐊᖑᓕᕈᒪᓪᓗᑎᒃ ᐸᕐᓇᐅᑎᑦ ᐅᖃᖅᓯᒪᔪᓂᒃ ᐱᓕᕆᐊᖑᓕᖁᓪᓗᒋᑦ ᐊᒃᖢᓗᐊᕐᑐᑦ ᐊᒥᓲᓗᐊᕈᓐᓃᖅᑎᑕᐅᖁᓪᓗᒋᑦ ᐊᒻᒪᓗ ᐱᓕᕆᐊᒃᓴᖃᕐᓂᕐᒥᓐᓂᒃ ᐸᕐᓇᐅᑎᐅᓯᒪᓪᓗᑎᒃ ᐱᓕᕆᐊᒃᓴᐅᔪᓂᒃ ᐊᒃᖢᓗᐊᕐᓂᕐᓄᑦ ᓇᓗᓇᐃᖅᓯᓯᒪᓕᕈᑎᐅᕙᒃᑐᓂᒃ ᐃᓚᖃᖅᑎᓪᓗᒋᑦ ᓯᕗᒻᒧᒋᐊᖅᑎᑕᐅᓯᒪᓕᖁᓪᓗᒋᑦ ᓄᑖᑎᒍᑦ ᐊᒃᖢᓗᐊᕐᓂᐅᔪᓄᑦ ᐊᒥᓲᓗᐊᕈᖕᓃᖅᑎᑦᓯᒋᐊᕐᓂᕐᒥ ᓴᐳᔾᔨᓯᒪᓕᕆᐊᕐᓂᐅᔪᑦ ᐃᓄᐃᑦ ᓄᓇᓕᓕᒫᖏᓐᓂ. ᑕᐃᒫᒃ ᐱᓕᕆᐊᖑᔪᓐᓇᕐᓂᐊᖅᐸᑕ, ᐋᖅᑭᒃᓱᐃᓯᒪᔭᕆᐊᖃᕐᓂᐊᖅᑐᒍᑦ ᐱᓕᕆᐊᖃᕈᑎᒃᓴᓂᒃ ᑮᓇᐅᔭᖁᑎᒃᓴᐅᓂᐊᖅᑐᓂᒃ ᑐᓴᖅᑎᑦᓯᓯᒪᓕᕈᑎᒃᓴᓂᒃ ᐊᒃᖢᓗᐊᕐᓃᑦ ᐊᒥᓲᓗᐊᕈᖕᓃᖅᑎᑕᐅᓯᒪᓕᖁᓪᓗᒋᑦ ᐱᓕᕆᐊᖑᔪᑦ, ᐃᓚᖃᖅᑎᓪᓗᒋᑦ ᑐᓴᖅᑎᑦᑎᓯᒪᓕᕈᑎᒃᓴᓂᒃ ᓄᑖᑎᒍᑦ ᐱᓕᕆᐊᖑᓕᖅᓯᒪᔪᓄᑦ ᓲᕐᓗ ᓇᓗᓇᐃᖅᑕᐅᓯᒪᓪᓗᑎᒃ ᐊᓐᓇᐅᒪᔪᓐᓇᐅᑎᒋᓂᐊᕐᓗᒋᑦ ᑮᓇᐅᔭᓕᐅᕈᑎᖃᕐᓂᕐᒥ ᐱᓕᕆᐊᖑᓕᕈᒪᔪᓄᑦ (GLI) ᐸᕐᓇᐅᑎᓂᒃ.

ᐋᖅᑭᒃᓱᐃᕙᓪᓕᐊᓂᑦᑎᓐᓂ ᐱᓕᕆᔾᔪᑎᐅᔪᓐᓇᖅᑐᓂᒃ ᑮᓇᐅᔭᐅᕈᑎᖃᕐᓂᕐᒥ ᐱᓕᕆᐊᖑᔪᓄᑦ ᓇᓗᓇᐃᒐᐅᓯᒪᓪᓗᑎᒃ ᑐᕌᖅᑎᑕᐅᓯᒪᔪᓄᑦ ᐃᓄᓐᓄᑦ ᐊᒃᖢᓗᐊᖅᑐᓄᑦ ᐃᓚᒋᔭᐅᖃᑕᐅᔪᓄᑦ ᑭᒡᓕᒋᔭᐅᓂᖏᓂ ᐊᑖᓂᓘᓐᓃᑦ  ᐊᒻᒪᓗ ᕿᑎᖅᐸᓯᐊᓂ ᑮᓇᐅᔭᓕᐅᕐᓂᖃᖅᑐᓄᑦ ᐃᓄᐃᑦ ᓄᓇᓕᓕᒫᖏᓐᓂ, ᑕᐃᒪᐅᔭᕆᐊᖃᖅᓱᑎᒃ ᖃᐅᔨᒋᐊᕈᑎᐅᕙᑦᑐᓂᒃ, ᐃᓄᓐᓄᑦ ᑐᕌᖓᓪᓗᑎᒃ ᓇᓗᓇᐃᒃᑯᑕᓂᒃ, ᐊᒻᒪᓗ ᑕᒪᒃᑮᖅᑎᑕᐅᕙᒃᓱᑎᒃ ᐱᔨᑦᓯᕋᕈᑎᒃᓴᓂᒃ ᐋᖅᑭᒃᑕᐅᓯᒪᓕᕆᐊᖃᖅᑐᓂᒃ ᐊᒻᒪᓗ ᖃᐅᔨᓴᒐᐅᓯᒪᓪᓗᑎᒃ ᓴᓇᕐᕈᑎᐅᕙᒍᓐᓇᕐᓂᖏᓐᓄᑦ ᐱᓕᕆᐊᖑᕙᑦᑐᓄᑦ ᐊᑐᖅᑕᐅᕙᒃᑯᑎᒃ ᓈᒻᒪᖕᓂᖅᓴᐅᓂᖏᓂᒃ ᐱᓕᕆᐊᕆᔭᐅᓕᖁᓪᓗᒋᑦ ᐱᐅᓂᖅᓴᑎᒍᑦ ᐊᒃᖢᓗᐊᕐᓂᐅᔪᑦ ᐃᓄᐃᑦ ᓄᓇᖓᓐᓂ.

ᓂᕈᐊᖅᑕᐅᓯᒪᓕᖅᑐᑦ ᑐᒃᓯᕋᐅᑎᖃᖅᓯᒪᔪᓂᑦ ᐱᓕᕆᐊᖃᖅᑎᒋᔭᐅᔪᒪᓪᓗᑎᒃ ᒪᑯᓂᖓ ᐱᓕᕆᓂᖃᕈᓐᓇᕆᐊᓖᑦ:

• ᓇᓗᓇᐃᖅᓯᓯᒪᓗᑎᒃ ᐃᓅᓯᓕᕆᓂᕐᒥ-ᑮᓇᐅᔭᓕᐅᕋᓱᐊᕈᑎᓕᕆᓂᕐᒥ ᐊᒃᑐᐃᓯᒪᓂᖏᑕ ᐱᓕᕆᐊᖑᔪᓂᑦ ᓲᕐᓗ ᓇᓗᓇᐃᖅᑕᐅᓯᒪᓪᓗᑎᒃ ᐊᓐᓇᐅᒪᔪᓐᓇᐅᑎᒋᓂᐊᕐᓗᒋᑦ ᑮᓇᐅᔭᓕᐅᕈᑎᖃᕐᓂᕐᒥ ᐱᓕᕆᐊᖑᓕᕈᒪᔪᓂᑦ (GLI) ᖁᑦᓯᒃᑑᓪᓗᑎᒃ ᑮᓇᐅᔭᓕᐅᕋᓱᐊᕈᑎᓂᒃ ᖃᐅᔨᒋᐊᖅᓯᒪᓂᕐᒥ ᐅᓂᒃᑳᓕᐊᖑᓯᒪᔪᑎᒍᑦ ᐃᒪᓐᓇᐃᑦᑐᑎᒍᑦ:
  • ᐊᒃᖢᓗᐊᖅᑑᓂᒥᓐᓂᑦ ᐊᑭᑐᓂᕆᔭᐅᔪᓂᒃ ᐃᓄᐃᑦ ᓄᓇᖓᓐᓂ
  • ᐃᓅᓯᓕᕆᓂᕐᒥ-ᑮᓇᐅᔭᓕᐅᕋᓱᐊᕈᑎᑦ ᐊᒃᑐᖅᑕᐅᓯᒪᓂᖏᑦ ᓇᓗᓇᐃᖅᑕᐅᓯᒪᓪᓗᑎᒃ ᐊᓐᓇᐅᒪᔪᓐᓇᐅᑎᒋᓂᐊᕐᓗᒋᑦ ᑮᓇᐅᔭᓕᐅᕈᑎᖃᕋᓱᓐᓂᐅᔪᓄᑦ
• ᐋᖅᑭᒃᓱᐃᓯᒪᓕᕐᓗᓂ ᐅᓂᒃᑳᓕᐊᖑᓯᒪᔪᓂᒃ/ᑐᑭᓯᒋᐊᕐᕕᒃᓴᖁᑎᐅᓂᐊᖅᑐᓂᒃ (ᐅᕝᕙᓘᓐᓃᑦ ᐃᓱᒪᓕᐅᕈᑎᓕᐅᕐᓗᑎᒃ ᓴᖅᑭᑕᐅᔪᓐᓇᖅᑐᓂᒃ ᐃᓗᓕᖃᕐᓗᑎᒃ ᑕᒪᒃᑯᓂᖓ ᑐᓴᒐᒃᓴᖁᑎᐅᔪᓂᒃ ᖃᓄᐃᓪᓚᕆᓐᓂᖏᓄᑦ ᐊᑐᖅᑕᐅᔪᓐᓇᓕᖅᑎᑕᐅᓯᒪᓗᒋᑦ) ᐃᓄᓐᓄᑦ ᑐᕌᖓᑎᑕᐅᓪᓗᑎᒃ ᓇᓗᓇᐃᒃᑯᑕᓕᐊᖑᓯᒪᔪᓄᑦ ᖃᐅᔨᒋᐊᕈᑎᐅᕙᓐᓂᐊᕐᓗᑎᒃ ᐊᒃᖢᓗᐊᕐᓂᐅᔪᓄᑦ ᐊᒻᒪᓗ ᓯᕗᓂᕐᒥ ᑐᑭᓯᒋᐊᕐᕕᒃᓴᖁᑎᑦ ᐱᐅᓯᑐᖃᑎᒍᑦ ᓈᒻᒪᒃᑎᑕᐅᓯᒪᔪᓂᒃ (ᒪᓕᑦᓯᐊᖅᑎᑕᐅᓯᒪᓂᐊᕐᓗᑎᒃ ᐃᓄᐃᑦ ᐱᐅᓯᑐᖃᕆᔭᖏᓂᒃ ᐊᒻᒪᓗ ᐊᑐᕐᓂᖃᖅᑎᑕᖏᓂᒃ, ᐊᒻᒪᓗ ᑕᑯᒃᓴᐅᑎᑦᑎᓯᒪᔪᓂᒃ ᐃᓄᐃᑦ ᐊᑐᖅᓯᒪᔭᖏᓂᒃ ᐱᓕᕆᓂᖅᑎᒍᑦ).
  • ᑕᒪᓐᓇ ᐱᓕᕆᐊᖑᓇᔭᕐᑐᖅ ᐃᑲᔪᖅᑐᒐᐅᓯᒪᓂᖃᕐᓗᑎᒃ ᖃᐅᔨᒪᔨᐅᓪᓗᑎᒃ ᑎᒥᒋᔭᐅᔪᓂᑦ ᐊᕕᒃᑐᖅᓯᒪᓂᕐᓂ ᐱᔾᔪᑎᖃᖅᑎᓂᑦ ᓴᓇᕐᕈᑎᓕᕆᓂᕐᒧᑦ ᖃᐅᔨᒪᓂᖃᖅᑐᓂᒃ ᐊᒃᖢᓗᐊᕐᓂᐅᔪᓂᒃ ᐊᒥᓲᓗᐊᕈᖕᓃᖅᑎᑦᓯᒋᐊᕐᓂᕐᒧᑦ ᐱᓕᕆᐊᖑᔪᓂᒃ ᐊᑐᓂ ᐊᕕᒃᑐᖅᓯᒪᓂᐅᔪᓂᑦ.
  • ᐱᔾᔪᑎᐅᔪᓄᑦ ᐅᓂᒃᑳᓕᐊᖑᓯᒪᔪᑦ ᑕᒪᐃᓐᓄᐊᖓᓪᓗᑎᒃ ᐱᔨᑦᓯᕋᕈᑎᐅᔪᓕᕆᓂᕐᓄᑦ ᐊᒻᒪᓗ ᐊᕕᒃᑐᖅᓯᒪᓂᕐᓂ ᐊᒃᖢᓗᐊᕐᓂᐅᔪᓂᒃ ᐊᒥᓲᓗᐊᕈᖕᓃᖅᑎᑦᓯᒋᐊᕐᓂᕐᒧᑦ ᐸᕐᓇᐅᑏᑦ ᐊᑐᐃᓐᓇᐅᓕᕐᓂᐊᖅᐳᑦ ᐃᑲᔪᕈᑎᒃᓴᐅᓂᐊᕐᓗᑎᒃ ᑖᒃᑯᓄᖓ ᐱᓕᕆᐊᓄᑦ
• ᐋᖅᑭᒃᓱᐃᓯᒪᓕᕐᓗᓂ ᓯᑕᒪᐅᔪᓂᒃ (4) ᐊᓐᓇᐅᒪᓇᓱᐊᕈᑎᒋᓗᒋᑦ ᐊᑭᑐᓂᕆᔭᐅᔪᓄᑦ ᓇᓗᓇᐃᖅᓯᔾᔪᑎᓂᒃ ᑐᕌᖓᑎᑕᐅᓯᒪᓗᑎᒃ ᐊᕕᒃᑐᖅᓯᒪᓂᐅᔪᓄᑦ ᐊᑐᓂ, ᐊᒻᒪᓗ ᐊᑐᕐᓗᒋᑦ ᐃᓄᓐᓄᑦ ᓇᓗᓇᐃᒃᑯᑕᓕᐊᖑᓯᒪᓪᓗᑎᒃ ᐋᖅᑭᒃᓱᒐᐅᓯᒪᔪᓂᒃ, ᖃᓄᑐᐃᓐᓇᖅ ᓯᕗᓂᕐᒥ ᐸᕐᓇᐅᑎᓕᐊᖑᓕᕋᔭᖅᑐᑦ ᐊᒻᒪᓗ ᐱᓕᕆᐊᖑᓕᕋᔭᖅᑐᑦ ᐋᖅᑭᒃᓱᐊᖑᔪᓐᓇᖅᐸᓐᓂᐊᕐᒪᑕ ᐊᑐᖅᑕᐅᕙᒃᓗᑎᒃ ᐊᕕᒃᑐᖅᓯᒪᓂᐅᔪᓄᑦ ᑐᕌᖓᑎᑕᐅᓪᓗᑎᒃ ᐊᑐᓂ ᓇᓗᓇᐃᖅᓯᔾᔪᑎᓕᐊᖑᓯᒪᔪᑦ ᐊᒻᒪᓗ ᓈᒻᒪᖕᓂᖅᓴᑎᒍᑦ ᐃᓄᐃᑦ ᐱᓯᒪᓕᕆᐊᖃᖅᑕᖏᑦ ᐱᓕᕆᐊᖑᓕᕈᓐᓇᖁᓪᓗᒋᑦ. ᖃᐅᔨᒋᐊᖅᓯᒪᓗᒋᑦ ᐱᑕᖃᓕᕆᐊᖃᕐᒪᖔᑕ ᐊᕕᒃᑐᖅᓯᒪᓂᐅᔪᑦ ᐃᓗᐊᓂ ᓇᓗᓇᐃᒃᑯᑕᖁᑎᓂᒃ ᑐᑭᓯᒋᐊᕐᕕᒃᓴᖁᑎᐅᓂᐊᖅᑐᑦ ᑲᑎᖅᓱᐊᖑᓯᒪᓕᖅᑐᑦ ᖃᐅᔨᒪᓕᕈᑎᐅᓇᔭᖅᐸᑕ ᓇᓗᓇᐃᔭᖅᑕᐅᓯᒪᒋᐊᒃᑲᓐᓂᕐᓗᑎᒃ ᐱᓕᕆᐊᖑᓯᒪᔭᕆᐊᖃᕐᓂᖏᓐᓂᒃ.

ᑖᒃᑯᑎᒎᓇᖅ ᑐᒃᓯᕋᐅᑎᑎᒍᑦ ᐃᓱᒪᓕᐅᕈᑎᓂᒃ (RFP), ᕿᓂᓕᖅᓯᒪᔪᒍᑦ ᐱᓕᕆᓂᖃᖅᓂᕐᒥᒃᑎᒍᑦ ᖃᐅᔨᒪᓂᖃᖅᑐᓂᒃ ᑮᓇᐅᔭᓕᐅᕈᑎᓕᕆᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᐊᒃᖢᓗᐊᕐᓂᐅᔪᓄᑦ ᐊᒥᓲᓗᐊᕈᖕᓃᖅᑎᑦᓯᒋᐊᕐᓂᕐᒧᑦ ᖃᐅᔨᒪᔨᒻᒪᕆᐅᔪᓂᒃ ᐃᑲᔪᖅᑎᒋᔭᐅᓕᕈᓐᓇᖅᓱᑎᒃ ᐃᓄᐃᑦ ᑕᐱᕇᒃᑯᓐᓄᑦ ᑲᓇᑕᒥ (ITK) ᐊᒻᒪᓗ ᐊᕕᒃᑐᖅᓯᒪᓂᕐᓂ ᐱᓕᕆᐊᖃᖃᑎᒋᓪᓗᓂᒋᑦ ᑲᑐᔾᔨᖃᑎᒌᒋᔭᐅᔪᓂᒃ ᐋᖅᑭᒃᓱᐃᕙᓪᓕᐊᓂᖏᓐᓂ ᓈᒻᒪᒃᑐᑎᒍᑦ ᖃᐅᔨᒋᐊᕈᑎᐅᕙᓐᓂᐊᕐᓗᑎᒃ ᓴᓇᕐᕈᑎᐅᓕᕋᔭᖅᑐᓂᒃ ᐱᐅᓂᖅᓴᑎᒍᑦ ᑐᑭᓯᐅᒪᓕᕈᑎᒃᓴᓂᒃ ᐊᕕᒃᑐᖅᓯᒪᓂᐅᔪᐃᑦ ᐊᒃᑐᖅᑕᐅᓯᒪᓂᖏᓐᓂᑦ ᐊᒃᖢᓗᐊᕐᓂᐅᔪᓂᑦ ᐃᓄᐃᑦ ᓄᓇᖓᓐᓂ, ᐊᒻᒪᓗ ᑮᓇᐅᔭᓕᐅᕋᓱᐊᕈᑎᐅᔪᓄᑦ ᖃᐅᔨᒋᐊᖅᓯᒪᓂᕐᒥ ᐅᓂᒃᑳᓕᐅᖅᓯᒪᓕᕋᔭᖅᑐᓂᒃ ᐱᐅᓂᖅᓴᑎᒍᑦ ᑐᑭᓯᐅᒪᓕᕈᑎᒃᓴᓂᒃ ᓴᐳᔾᔨᓯᒪᓕᕆᐊᕈᑎᐅᓪᓗᑎᒃ ᐱᓕᕆᐊᖑᔪᓂᒃ ᓲᕐᓗ ᓇᓗᓇᐃᖅᑕᐅᓯᒪᓪᓗᑎᒃ ᐊᓐᓇᐅᒪᔪᓐᓇᐅᑎᒋᓂᐊᕐᓗᒋᑦ ᑮᓇᐅᔭᓕᐅᕈᑎᖃᕐᓂᕐᒥ ᐱᓕᕆᐊᖑᓕᕈᔪᓂᑦ (GLI) ᐃᓄᐃᑦ ᑮᓇᐅᔭᓕᐅᕋᓱᐊᕈᑎᒋᕙᒃᑕᖏᑕ ᐊᒻᒪᓗ ᐃᓅᖃᑎᒌᒃᑐᑦ ᖃᓄᐃᖖᒋᑦᓯᐊᕋᓱᐊᕐᓂᖏᑕ. ᖃᐅᔨᒋᐊᖅᓯᒪᓕᕐᓂᐊᖅᑕᕗᑦ ᕿᒥᕐᕈᓗᑎᒍ ᐃᓱᒪᓕᐅᕈᑎᓕᐊᖑᓯᒪᔪᑦ ᑐᖖᒐᕝᕕᒋᓗᒋᑦ ᒪᑯᐊ ᐱᓕᕆᐊᖑᓯᒪᔭᕆᐊᓕᖁᑏᑦ (ᐊᑏ ᐃᓱᒪᓕᐅᕈᑎᓕᐊᑎᑦ ᐃᓕᓯᒪᖃᑕᐅᓗᑎᒃ ᑖᒃᑯᓄᖓ):

• ᐃᓕᓯᒪᑦᓯᐊᖅᑑᓂᖓ ᖃᐅᔨᒪᓂᖃᖅᑑᓂᖓ ᑐᒃᓯᕋᐅᑎᖃᖅᑑᑉ, ᐱᖃᓯᐅᑎᓪᓗᒋᑦ ᐱᓕᕆᐊᖃᖅᓯᒪᓂᖓᓂᒃ, ᐱᓕᕆᓂᖃᕈᒪᓂᖓᓂᒃ, ᐊᒻᒪᓗ ᓇᓗᓇᐃᖅᑕᐅᓯᒪᓪᓗᑎᒃ ᐱᓯᒪᓂᖓᓂᒃ ᖃᐅᔨᒪᔨᐅᖃᑦᑕᖅᓯᒪᓂᕐᒧᑦ ᑲᑐᔾᔨᖃᑎᒌᖑᔪᓄᑦ ᑐᕌᖓᔪᓄᑦ ᐊᓐᓇᐅᒪᓇᓱᐊᕈᑎᒋᓂᐊᕐᓗᒋᑦ ᐊᑭᑐᓂᐅᕙᒃᑐᓄᑦ ᖃᐅᔨᒋᐊᖅᐸᓐᓂᕐᓂ ᐊᒻᒪᓗ ᑮᓇᐅᔭᓕᐅᕋᓱᐊᕈᑎᐅᔪᓂᒃ ᖃᐅᔨᒋᐊᖅᓯᒪᓂᕐᓄᑦ.
• ᐱᓕᕆᐊᖃᖅᓯᒪᓪᓗᓂ ᐃᓄᐃᑦ ᑮᓇᐅᔭᓕᐅᕋᓱᐊᕈᑎᖏᓐᓄᑦ ᐱᓕᕆᐊᖏᓂᒃ, ᐅᕝᕙᓘᓐᓃᑦ ᐱᓕᕆᐊᖃᖅᓯᒪᓪᓗᓂ ᐊᒃᖢᓗᐊᕐᓂᓕᕆᓂᕐᒧᑦ ᖃᐅᔨᒋᐊᕈᑎᓕᕆᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᐊᒃᖢᓗᐊᕐᓂᐅᔪᓂᒃ ᐊᒥᓲᓗᐊᕈᖕᓃᖅᑎᑦᓯᒋᐊᕐᓂᕐᒧᑦ ᐸᕐᓇᐅᑎᓕᐊᖑᓯᒪᔪᓂᒃ ᐊᑐᖅᓱᒋᑦ ᑮᓇᐅᔭᓕᐅᕋᓱᐊᕈᑎᓂᒃ ᕿᒥᕐᕈᐃᕙᓪᓕᐊᔪᑎᐅᔪᓂᒃ
• ᐱᓕᕆᐊᖑᑲᐃᓐᓇᖅᑐᓂᒃ ᓇᓗᓇᐃᔭᐃᓂᖅ, ᓇᓗᓇᐃᖅᓯᒋᐊᕐᓂᖅ ᑐᓴᖅᓴᐅᓂᐅᔪᓂᒃ, ᐊᒥᓱᐃᓕᖓᓪᓗᒋᑦ ᐱᓕᕆᓂᐅᓕᖅᓯᒪᔪᓂᒃ ᑐᕌᖓᓂᖃᖅᑐᓕᒫᓄᑦ ᐱᓕᕆᐊᒃᓴᓄᑦ ᓇᓗᓇᐃᖅᑕᐅᓯᒪᓪᓗᑎᒃ ᐊᕕᒃᑐᖅᓯᒪᓂᖏᑦ III-ᖓᓂ (ᖃᓄᑎᒋᐅᓂᖏᑦ ᐱᓕᕆᐊᖑᓕᕆᐊᖃᖅᑐᑦ)
• ᑎᑭᑕᐅᓯᒪᓕᕈᓇᖅᓱᑎᒃ ᓇᓗᓇᐃᖅᓯᓯᒪᔾᔪᑏᑦ.
• ᑮᓇᐅᔭᖁᑎᒃᓴᐃᑦ ᐊᒻᒪᓗ ᑮᓇᐅᔭᖁᑎᒃᓴᓄᑦ ᓇᓗᓇᐃᔭᐅᑎᑦ ᐊᑐᖅᑕᐅᔪᓐᓇᕐᓗᑎᒃ ᓈᒻᒪᒐᔭᖅᑐᓄᑦ ᐱᓕᕆᐊᖑᑲᐃᓐᓇᕐᑐᓄᑦ ᓇᓗᓇᐃᔭᐃᔾᔪᑎᓄᑦ ᐊᒻᒪᓗ ᓇᓗᓇᐃᖅᓯᓯᒪᔾᔪᑎᓄᑦ. ᑖᔅᓱᒧᖓ ᐱᓕᕆᐊᖑᑲᐃᓐᓇᕋᔭᖅᑐᒧᑦ ᐋᖅᑮᓯᒪᕗᑦ $60,000-ᓂᒃ. ᐃᓱᒪᓕᐅᕈᑎᓕᐊᖑᓯᒪᔪᑦ ᑖᒃᑯᓄᖓ ᓂᕆᐅᓐᓂᖃᕐᕕᐅᔪᓄᑦ ᓈᒻᒪᒃᑑᔭᕆᐊᖃᖅᑐᑦ ᐃᓚᖃᑐᐃᓐᓇᕆᐊᖃᕆᓪᓗᑎᒃ ᐊᓯᐊᒍᑦ ᐊᑭᒋᔭᐅᓕᕈᓐᓇᖅᑐᓂᒃ ᐊᓯᖏᑎᒍᑦ ᖃᓄᑎᒋ ᐱᓕᕆᐊᖑᓕᕈᓐᓇᖅᑐᓄᑦ ᐃᓱᒪᒃᓴᖅᓯᐅᕈᑎᐅᓂᐊᕐᓗᑎᒃ.
• ᐱᓕᕆᐊᖃᖃᑎᖃᖅᓯᒪᓗᓂ ᓄᓇᖃᖅᑳᕐᓯᒪᔪᑦ ᑲᑐᔾᔨᖃᑎᒌᖏᓂᒃ ᐱᓕᕆᓂᖃᖅᑎᓪᓗᒋᑦ ᐊᒃᖢᓗᐊᕐᓂᐅᔪᑦ ᐊᒥᓲᓗᐊᕈᓃᖅᑎᑕᐅᒋᐊᕐᓂᖏᓄᑦ.

ᓂᕆᐅᓐᓂᖃᖅᑐᒍᑦ ᐱᓕᕆᐊᖑᔭᕆᐊᖃᕐᓂᐊᖅᑐᑦ ᑖᒃᑯᓄᖓ ᐱᓕᕆᐊᖑᑲᐃᓐᓇᖅᑐᓄᑦ ᐱᒋᐊᖅᑎᑕᐅᓇᔭᕐᓂᖏᑕ ᐅᒃᑐᐱᕆ 21, 2020-ᒥ ᐊᒻᒪᓗ ᐃᓱᓕᓯᒪᓕᕐᓗᑎᒃ ᒫᔾᔨ 31, 2021-ᒥ. ᑐᒃᓯᕋᐅᑎᖃᖅᑎᑦ/ᑲᑐᔾᔨᖃᑎᒌᖑᔪᑦ ᑐᓂᓯᓯᒪᓕᕈᓐᓇᖅᐳᑦ ᐊᐱᖅᑯᑎᒃᓴᒥᓐᓂᒃ ᓇᓗᓇᐃᕆᐊᕐᕕᐅᔪᒪᓂᕐᒥᓐᓄᑦ ᑎᑭᓪᓗᒍ ᐅᒃᑐᐱᕆ 5-ᒧᑦ, ᑭᐅᔭᐅᓯᒪᓕᕐᓂᐊᕐᓗᑎᒃ ᓯᕗᕐᖓᓂ ᐅᒃᑐᐱᕆ 9 ᐅᓪᓗᖓᑕ ᐃᓱᓕᕝᕕᐊᓂ.

ᐊᑭᒋᔭᐅᓇᔭᖅᑐᑦ ᑮᓇᐅᔭᖁᑎᒃᓴᓄᑦ ᐱᓗᐊᖅᑐᒥᒃ ᐃᓱᒪᒃᓴᖅᓯᐅᕈᑎᐅᓂᐊᖅᑐᑦ ᖃᐅᔨᒋᐊᕐᓂᖃᖅᑎᓪᓗᒋᑦ ᐃᓱᒪᓕᐅᕈᑎᓕᐊᖑᓯᒪᔪᓂᒃ.

ᐅᒃᑐᐱᕆ 15, 2020

ᑭᐊᓪᓯ ᑳᓱᕆᓐ ᓯᒥᑦ
[email protected]