September 24, 2020—Ottawa, Ontario

Inuit Tapiriikkut Kanatami ikajuqtugausimanirminnut tukisisimalilauqput piliriaksauliqtitaujunit ikpaksaq Queen Kiggaqtuqtingata Canadami Uqallausirijanginit ammalu Canadamiulimaanut turaaqtitsuningit uqallausirijanginit Canadami Angijuqqaarjuap Justin Trudeau turaangajunut taimaunginnaqsutik sivulliqpautitaksaqutigijaujunut Inuit-Gavamatuqakkut Piliriaqaqatigiinninginut Katimajiralaangujunit (ICPC).

Piluaqtumik nalunaiqtausimalilauqtut:

  • Piliriqatiqallattaarniq Inunnik pilirianguliqullugit niqiginiaqtanik
    pisimalirasukpannirnut Canadami
  • Sukkaliqtittigiarniq piliriangujunik aaqqiksuiqatigiinnirnut
    nalunaijaqtausimaliqtunut tunnggavviqaqtitausimallutik isumakkut aanniaqaliqujinnginnilirinirmi ammalu qanuinngitsiarnilirinirmi parnautinik
  • Sukkaliriaqtittiniq pilirianguliqsimanirnik Canadami Pilirianguliqujausimallutik
  • Parnautinik kiujjutigijausimallutik Canadalimaami Tukisiumaliriarnirmut Nunaqaqqaarsimajuit Arnait Niviaqsiallu Asiujijausimaninginnut ammalu  Inuaqtausimaninginnut piliriani ammalu Iqqaqtuivviktigut Ikajuqtugausimaniqaliqullugit
  • Kajusititauningit iluikkaruqtitaugiarningita piliriaqarviujuni ilakuuniqarviujunut Inuit Nunalilimaanginni
  • Saqqiisimalirniq maligarjuanguniaqtumik ukiunga 2020 isulilauqqaartinnagu atuliqtitaujjutiuniaqtunik United Nation-kut Nalunaiqsisimajjutingannik Nunaqaqqaarsimajuit Pijunnautiqarninginnut
  • Sivummutittiniq parnautiliangusimajunik ungataanuaqtitausimajunik kanatami 2030-mut tikillugu silalirinirmi turaarviksaqutiliangusimajunit

Niriunniqattiarmijugut nutaangullutik piliriaksauliqsimajut pilirianguliqullugit pilirijjutitigut naliqqautittinnginniuvaktunik tamaini pilirianguvallianiuvaktuni pirajaksimajunut iqqaqtuivvinni tukiqaliqtitauqullugit anginiqsaujutigut tamakkua asijjiqtausimalirningita Inunnut.

Inuit tunngasuktittivut Canadami Gavamakkut kajusitittisimaninginik piliriaksarijaminnik saimmaqatigiiksimalirajarnirmut. suli piliriangujariaqallarinninga tamatuma asijjiqsimanngimmat ullumimut taima 2015-ngutillugu taakkua gavamakkut sivulliqpaamik Queen Kiggaqturtinga Uqallausiqalaursimaninganit, ammalu kingullirmi ukiusaalauqtumi uqalusiulaurninginit.

Canadamiutaulluta atuliqsimalirmigatta tugliriliqtanganik Nuvagjuarnaq-19mik silarjualimaami aannialirutiujunnaqtumik, ammalu akłuilirviksamut turaarviksaqaqtitausimammata iInuit ammalu Canadamiulimaat katinniqaliqsimalutik ammalu pilirianguinnarunnaqsutik aaqqiksuisimalirajarningita gavamalirinirmi
piliriaqaqtigijaujuit, gavamatuqakkunni iqqanaijarviujuit, piqasiutillugit province-gijaujut ammalu aviktuqsimaniujuit.

Nuvagjuarnaq iqqinaqtutitut saqqijaarniqarmat angijualummik piliriaksarijauliqsimajut qulaaniitsuni suurlu. Tamarmik pilirianguliqsimajut qanutigi aktuisimalirunnarningata mikilligiaqtitausimaliqullugit aktuqtausaraittuullutik inuuqatigiiktunut pimmariullutik piliriangujariaqallariktunut ilauqatauvut aaqqiksimalirunnaqulluta ammalu ikajuqataulirunnaqulluta anginiqsaullutik turaarviksaqutiujunut tikisimaliriamut inuuqatigiingujuni naliqqautitausimaliqullugit Inuit.