ᓴᖅᑭᖅᑎᑕᐅᓂᖏᑦ ᑎᓴᒪᐃᕋᖅᑎᖅ ᐊᕐᕌᒍᒥ ᖃᐅᔨᓵᒥᓃᑦ ᓇᐃᓈᖅᓯᒪᓂᖏᑦ ᓴᒃᑯᑕᐅᓯᒪᕗᑦ ᐃᓄᐃᑦ ᑕᐱᕇᑦ ᑲᓇᑕᒥ (ITK) 2020-2023 ᖃᓄᖅᑑᕈᑎᖓᑕ ᐊᒻᒪᓗ ᖃᓄᐃᓕᐅᕈᑎᖃᕐᓂᐊᕐᓂᕐᒧᑦ ᐸᕐᓇᐅᑎᖓ. ᓇᐃᓈᖅᓯᒪᓂᖏᑦ ᑕᑯᒃᓴᐅᑎᑦᑎᒐᔭᖅᑐᑦ ᖃᐅᓵᕕᓂᕐᓂᒃ ᑭᖑᕙᙱᑦᑐᒃᑯᑦ ᐊᑐᐊᒐᓕᕆᖃᑦᑕᕐᓗᑎᑦ ᑐᕌᖓᓂᖃᐅᑦᑎᐊᖅᖢᓂᑦ ᐃᓄᖕᓄᑦ. ᐊᔾᔨᐅᙱᑦᑐᖅ ᓯᕗᓪᓕᖅᐹᖅ ᑖᒃᑯᐊ ᓴᖅᑭᖅᑎᑕᐅᒐᔭᖅᑐᑦ ᑎᓴᒪᐃᕋᖅᑎᖅ ᐊᕐᕌᒍᒥ ᓴᖅᑭᖅᑎᑕᐅᓲᓂ ᖃᐅᔨᓵᕕᓃᑦ ᓇᐃᓈᖅᓯᒪᓂᕆᓂᐊᖅᑕᖏᑦ ᐅᖃᐅᓯᖃᓗᐊᖅᐳᑦ ᐊᔾᔨᐅᙱᑦᑐᓂᒃ ᐊᑦᑕᓇᖅᑐᒨᖅᑎᑦᑎᒍᓐᓇᕐᓂᖏᖕᓂᒃ ᐊᒻᒪᓗ ᐊᑦᑐᐃᓂᖃᕈᓐᓇᕐᓂᖏᖕᓂᒃ ᓄᕙᒡᔪᐊᕐᓇᖅ-19 (ᓄᕙᒡᔪᐊᕐᓇᖅ 2019) ᐊᒻᒪᓗ ᓄᕙᒡᔪᐊᕐᓇᖅ ᐊᐃᑦᑑᑕᐅᓂᖓ ᐃᓄᖕᓄᑦ ᒫᓐᓇ ᓄᓇᖃᖅᑐᑦ ᐃᓄᐃᑦ ᓄᓇᖓᓂᑦ.

ᐃᓄᐃᑦ ᓄᓇᖃᐅᖅᑐᑦ ᐃᓄᐃᑦ ᓄᓇᖓᖕᓂᒃ ᐊᑦᑐᖅᑕᐅᓗᐊᖅᓯᒪᓲᖒᔭᕇᕐᒪᑕ ᐃᓅᓯᕐᒥᒃ ᐊᒻᒪᓗ ᑮᓇᐅᔭᓕᐅᕋᓱᐊᕐᓂᕐᒥᓗ ᓇᓕᒧᒌᑎᑕᐅᙱᖦᖢᑎᑦ ᐊᓯᖏᑦ ᑲᓇᑕᒥᐅᑕᐃᑦ ᐃᓄᖏᑦ ᑕᐃᒪᐃᙱᑦᑎᐊᖅᑎᓪᓗᒋᑦ. ᑕᒪᒃᑯᐊ ᓇᓕᒧᒌᙱᑦᑎᑕᐅᓂᖏᑦ ᐱᖃᓯᐅᔾᔨᕗᑦ ᐊᔪᖅᓴᓗᐊᖅᑐᑦ, ᐃᓅᓯᖏᑦ ᖃᓄᐃᑦᑑᓂᖏᑕ ᐱᓪᓗᒋᑦ ᐋᓐᓂᐊᓂᖅᓴᐅᓕᓲᑦ, ᐊᒻᒪᓗ ᐋᓐᓂᐊᖅᑕ- ᐃᓕᒪᓂᖏᑦ ᐊᔾᔨᒋᔭᐅᕙᙱᑦᑐᑦ ᐊᑦᑎᓂᖅᓴᐅᓕᖅᖢᑎᑦ ᐃᓄᖕᓂᒃ ᓄᓇᓕᖕᓂᓗ ᐊᑦᑕᓇᖅᑐᒨᕐᓂᖅᓴᐅᒍᓐᓇᕋᖅᑐᑦ, ᐊᒻᒪᓗ ᑕᒪᐃᓐᓂ ᑕᒪᒃᑯᐊ ᐱᔾᔪᑕᐅᕗᑦ ᓯᐊᒻᒪᑎᑦᑎᒍᑕᐅᓂᖅᓴᐅᒐᔭᖅᖢᑎᑦ ᐊᓂᖅᓵᕈᓐᓇᐃᓪᓕᔾᔪᑕᒻᒪᕆᐅᓲᖅ ᓄᕙᒡᔪᐊᕐᓇᖅ 2, ᐊᒻᒪᓗ ᖃᐅᔨᒪᔭᐅᒋᓪᓗᓂ ᓲᕐᓗᒃ ᐊᓂᖅᓵᕈᓐᓇᐃᓪᓕᔾᔪᑕᒻᒪᕆᐅᓲᑦ ᓄᕙᒡᔪᐊᕐᓇᖅ−ᓄᕙᒡᔪᐊᕐᓇᖅ−2 (SARS-CoV-2), ᐃᓄᐃᑦ ᓄᓇᖏᓐᓂ ᐊᒻᒪᓗ ᐋᓐᓂᐊᖅᑐᒻᒪᕆᐅᓕᕐᓗᑎᑦ ᓄᕙᒡᔪᐊᕐᓇᖅ−19−ᒥ ᐋᓐᓂᐊᓕᕌᖓᒥᒃ ᐃᓄᐃᑦ.