Skip to main content
ᑐᓴᖅᑎᑦᓯᔾᔪᑏᑦ

ᐋᖅᕿᒃᓱᐃᓂᖅ ᐱᕈᖅᐸᓪᓕᐊᓂᖃᕐᓂᖅᓴᐅᔪᖕᓇᖅᑐᒥᒃ ᐃᓄᐃᑦ ᓄᓇᖓᓂᑦ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᑎᒍᑦ

By May 13, 2024 No Comments

ᓄᕐᕋᐃᑦ 9, 2024 – ᐋᑐᕚ, ᐋᓐᑎᐅᕆᐅ

ᑕᐃᒪᙵᓂᑦ ᐊᑎᓕᐅᖅᑕᐅᖕᒪᑦ ᐃᓄᐃᑦ ᓄᓇᖓᓄᑦ ᐅᖃᕐᓂᕋᐅᑎ 2017-ᒥᑦ, ᑲᓇᑕᒥᑦ ᒐᕙᒪᒃᑯᑦ ᐊᒻᒪᓗ ᐃᓄᐃᑦ ᓯᕗᓕᖅᑎᖏᑦ ᑲᑎᒪᖃᑎᖃᑦᑕᖅᑐᑦ ᐊᕐᕌᒍᑕᒫᑦ ᐊᒻᒪᓗ ᐱᓕᕆᖃᑎᒌᒃᑐᑦ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᑎᒍᑦ ᓯᕗᒻᒧᒃᑎᓐᓂᐊᕐᓗᒋᑦ ᑕᒪᐃᓐᓄᑦ ᓯᕗᓕᖅᐸᐅᑎᔭᐅᔪᒪᔪᑦ, ᓴᙱᒃᑎᒋᐊᕐᓗᒋᑦ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᕆᔭᖓᑦ, ᐊᒻᒪᓗ ᓴᖅᕿᑦᑎᓗᑎᒃ ᐱᕈᖅᐸᓪᓕᐊᓂᖃᕐᓂᖅᓴᐅᔪᖕᓇᖅᑐᒥᒃ ᐃᓄᐃᑦ ᓄᓇᖓᓂᑦ.

ᐅᑉᓗᒥᑦ, ᐊᖏᔪᖅᖄᕐᔪᐊᖅ, ᔭᔅᑎ ᑐᕉᑑ, ᐊᖏᔪᖅᖄᖅ ᐃᓄᐃᑦ ᑕᐃᕇᒃᑯᓐᓄᑦ, ᓇᑖᓐ ᐅᐱᐊᑦ, ᒐᕙᒪᑐᖃᒃᑯᓐᓂᑦ ᒥᓂᔅᑕᐅᔪᑦ, ᐊᒻᒪᓗ ᓂᕈᐊᖅᑕᐅᓯᒪᔪᑦ ᐃᓄᐃᑦ ᓯᕗᓕᖅᑎᖏᑦ ᐃᓄᕕᐊᓗᐃᑦ ᐊᕕᒃᑐᖅᓯᒪᔪᒥᑦ ᑯᐊᐳᕇᓴᒃᑯᓐᓂᙶᖅᑐᑦ, ᓄᓇᕗᑦ ᑐᙵᕕᒃᑯᓐᓂᑦ, ᒪᑭᕝᕕᒃᑯᓐᓂᑦ, ᐊᒻᒪᓗ ᓄᓇᑦᓯᐊᕗᑦ ᒐᕙᒪᒃᑯᓐᓂᑦ ᑲᑎᓚᐅᖅᑐᑦ ᑲᑎᒪᓂᕆᔭᖏᓐᓂᑦ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᑦ ᐋᑐᕚ, ᐋᓐᑎᐅᕆᐅᒥᑦ.

ᑲᑎᒪᑎᓪᓗᒋᑦ, ᓯᕗᓕᖅᑎᐅᔪᑦ ᐅᖃᐅᓯᖃᓚᐅᖅᑐᑦ ᑕᒪᐃᓐᓄᑦ ᑕᐅᑐᒐᕆᔭᐅᔪᒥᒃ ᐊᑕᐅᑦᑎᒃᑯᑦ ᐊᑐᓕᖅᑎᓐᓂᐊᕐᓗᒋᑦ ᐱᓕᕆᐊᖑᓂᐊᖅᑐᑦ ᐃᓄᐃᑦ ᓄᓇᖓᓄᑦ ᐊᑐᐊᒐᒥᒃ, ᐱᒋᐊᖅᑎᑕᐅᑉᓗᓂ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᓐᓄᑦ ᓯᕗᓕᖅᑎᐅᔪᓄᑦ 2022-ᒥᑦ.  ᓯᕗᓕᖅᑏᑦ ᐱᓕᕆᐊᖃᕐᓗᑎᒃ ᓯᕗᒻᒧᒃᑎᓐᓂᐊᕐᓗᒍ ᐊᑐᐊᒐᖅ, ᐊᓯᐊᙳᖅᑎᕆᓇᔭᖅᑐᖅ ᖃᓄᐃᓕᐅᖁᓗᒋᑦ ᒐᕙᒪᑐᖃᒃᑯᓐᓂᑦ ᐊᕕᒃᑐᖅᓯᒪᔪᑦ ᐊᒻᒪᓗ ᐱᔾᔪᔾᔨᔨᐅᔪᑦ ᖃᓄᐃᑦᑑᓂᐊᕐᓂᖓᑕ ᐊᒻᒪᓗ ᐱᓕᕆᐊᖑᓂᖏᑦ ᐊᑐᐊᒐᐃᑦ, ᑐᕌᖓᔪᑦ, ᐊᒻᒪᓗ ᐱᔨᑦᑎᕋᐅᑏᑦ ᐊᑐᖅᑐᑦ ᐃᓄᖕᓄᑦ ᐊᒻᒪᓗ ᐃᓄᐃᑦ ᓄᓇᖓᓄᑦ.

ᓯᕗᓕᖅᑏᑦ ᐊᖏᓚᐅᖅᑐᑦ ᐱᓕᕆᐊᕆᓂᐊᕐᓗᒋᑦ ᓴᖅᕿᑦᑎᓂᕐᒧᑦ ᐱᓕᕆᖃᑎᒌᖕᓂᕐᓂᒃ ᐃᓄᖕᓄᑦ ᑲᒪᒋᔭᐅᓂᐊᖅᑐᒥᒃ ᓯᓚᑦᑐᖅᓴᕐᕕᒡᔪᐊᕐᒥᑦ ᐃᓄᐃᑦ ᓄᓇᖓᓂᑦ.

ᑲᓇᑕᒧᑦ ᐊᖏᔪᖅᖄᕐᔪᐊᖅ, ᐊᖏᔪᖅᖄᖅ ᐅᐱᐊᑦ, ᐊᒻᒪᓗ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᓐᓄᑦ ᓯᕗᓕᖅᑏᑦ ᐅᖃᐅᓯᖃᓚᐅᖅᑐᑦ ᒫᓐᓇᓵᖑᓚᐅᖅᑐᒥᑦ ᒐᕙᒪᑐᖃᒃᑯᑦ ᑮᓇᐅᔭᖅᑑᑎᖓᓐᓂᑦ, ᐃᓚᐅᑉᓗᑎᒃ ᐱᑖᖅᓯᒪᓃᑦ $370 ᒥᓕᔭᓐᓂᑦ ᐃᓄᐃᑦ ᓄᓇᖓᓄᑦ ᐊᑐᕐᓂᐊᖅᑐᒥᒃᐃᒡᓗᓕᕆᓂᕐᒧᑦ ᐊᒻᒪᓗ ᓄᓇᓕᖕᒧᑦ ᐊᑐᖅᑐᓂᒃ ᐃᓄᐃᑦ ᓄᓇᓕᖏᓐᓂᑦ.  ᓯᕗᓕᖅᑏᑦ ᐅᖃᓚᐅᕐᒥᔪᑦ ᐱᑖᖅᑕᐅᔪᑦ $45 ᒥᓕᔭᓐ ᒪᕐᕉᒃ ᐅᑭᐅᓄᑦ ᐊᑐᕐᓂᐊᖅᑐᒥᑦ ᐃᑲᔪᖅᑕᐅᓂᖏᓐᓄᑦ ᒪᑭᕝᕕᒃ ᐊᒻᒪᓗ ᑲᓇᑕ ᐱᓕᕆᖃᑎᒌᖕᓂᖏᓐᓄᑦ ᒐᕙᒪᑐᖃᒃᑯᑦ ᐱᓕᕆᐊᕆᓂᐊᕐᓗᒋᑦ ᐱᑦᑕᐅᖏᑦᑐᑦ ᐊᒻᒪᓗ ᐊᒃᑐᖅᓯᓂᖃᐃᓐᓇᖅᑐᑦ ᑐᖁᑎᖅᑕᐅᓚᐅᖅᑎᓪᓗᒋᑦ ᐃᓄᐃᑦ ᕿᖕᒥᖏᑦ ᐊᒻᒪᓗ ᐊᓯᐅᔨᓂᐅᔪᓄᑦ ᐃᓄᐃᑦ ᐱᖅᖁᓯᖓᓂᑦ, ᐱᓕᕆᐊᖑᔪᖕᓇᖅᑑᔪᑦ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᑦ ᐋᖅᕿᖃᑎᒌᖕᓂᕐᒧᑦ ᐱᓕᕆᐊᖏᑦ ᓯᕗᓪᓕᖅᐸᐅᑎᔭᐅᔪᓄᑦ.  ᓯᕗᓕᖅᑏᑦ ᖃᐅᔨᑎᑦᑎᓚᐅᖅᑐᑦ ᑲᓇᑕᒥᑦ ᒐᕙᒪᒃᑯᑦ ᑐᓴᖅᑎᔾᔪᑎᒋᓵᓚᐅᖅᑕᖓᓄᑦ ᐃᖕᒥᒃᑯᑦ ᖃᐅᔨᓴᐃᓂᕐᒧᑦ ᑎᒥᐅᔪᒧᑦ ᑲᒪᒋᔭᐅᓗᓂ ᑲᒥᓯᓇᒧᑦ ᐅᑉᓗᒥᐅᔪᖅ ᐊᖏᖃᑎᒌᒍᑎᒧᑦ ᐊᑐᓕᖅᑎᑦᑎᓂᕐᒥᑦ ᐊᒻᒪᓗ ᐱᔾᔪᑎᖃᖅᑐᓄᑦ ᐃᓄᖕᓂᑦ.

ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᓐᓄᑦ ᓯᕗᓕᖅᑏᑦ ᐅᖃᐅᓯᖃᓚᐅᖅᑐᑦ ᑎᑭᐅᑎᔭᐅᔪᓄᑦ ᐅᑭᐅᖅ ᐊᓂᒍᖅᑐᒥᑦ, ᐃᓚᐅᑉᓗᓂ ᑎᑭᐅᑎᓂᐅᔪᑦ ᐊᑯᓂᐅᓂᖅᓴᒧᑦ ᐱᓕᕆᐊᖃᕐᓂᖅ ᐱᕙᓪᓕᐊᓂᖓᑕ ᐊᒥᓱᓄᑦ ᓯᕗᓪᓕᖅᐸᐅᑎᔭᐅᔪᒪᔪᓄᑦ ᐊᒻᒪᓗ ᐱᐅᓯᒋᐊᖅᓯᓃᑦ ᑲᑎᒪᔨᐊᓛᒃᑯᑦ ᐊᐅᓚᑦᑎᓂᖓᓐᓄᑦ ᐊᒻᒪᓗ ᐊᐅᓚᑦᑎᓂᕐᒧᑦ ᐋᖅᕿᐅᒪᔪᓄᑦ, ᐱᖁᔭᐅᓂᖏᑦᑎᑐᑦ ᕿᒥᕐᕈᓂᕐᒧᑦ ᐅᓂᑉᑳᓕᐊᖑᓚᐅᖅᑐᒥᑦ ᐊᕐᕌᓂ.

ᐅᖃᖅᑕᐅᔪᑦ

“ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᑦ ᐱᙳᖅᑎᑕᐅᓚᐅᖅᑐᑦ ᐊᑐᖅᑕᐅᑉᓗᓂ ᐊᔾᔨᒌᒃᑐᒃᑯᑦ ᐱᓕᕆᖃᑎᒌᖕᓂᐊᕐᓗᑎᒃ ᐃᓄᐃᑦ ᐊᒻᒪᓗ ᒐᕙᒪᑐᖃᒃᑯᑦ ᐱᒻᒪᕆᐅᒋᔭᐅᔪᖅ ᐋᖅᕿᖃᑎᒌᖕᓂᕐᒧᑦ.  ᐱᑕᖃᖅᑎᑦᑎᓂᐊᖅᑐᒍᑦ ᑕᑎᒋᔭᐅᓂᕐᒥᒃ, ᑕᑯᒃᓴᐅᓂᒃᑯᑦ, ᐊᒻᒪᓗ ᐱᔭᒃᓴᐅᑎᖃᕐᓂᒃᑯᑦ ᐱᒻᒪᕆᐅᑎᑕᐅᖏᓐᓇᕐᓗᓂ ᖃᓄᐃᓕᐅᕐᓂᕆᔭᓗᒃᑖᑉᑎᖕᓂᑦ.  ᐱᓕᕆᖃᑎᒋᓂᐊᖅᑕᕗᑦ ᐃᓄᐃᑦ ᓯᕗᓕᖅᑎᐅᔪᑦ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᑎᒍᑦ ᓴᓇᓂᐊᕐᓗᑕ ᐊᒻᒪᓗ ᓯᕗᒻᒧᒃᑎᓪᓗᒍ ᓄᑖᙳᖅᓯᒪᔪᒥᒃ ᐃᓄᐃᑦ-ᒐᕙᒪᒃᑯᑦ ᐱᓕᕆᖃᑎᒌᖕᓂᖏᓐᓂᑦ.”

— ᐅᐱᓐᓇᖅᑐᖅ ᔭᔅᑎᓐ ᑐᕉᑑ, ᐊᖏᔪᖅᖄᕐᔪᐊᖅ ᑲᓇᑕᒧᑦ

“ᑲᑎᖃᑦᑕᖅᑐᒍᑦ ᑕᒡᕙᓂ ᐋᓪᓕᕋᐅᔭᕐᒥᑦ ᐱᖓᓱᐃᖅᖢᒍ ᐅᑭᐅᑉ ᐃᓗᐊᓂᑦ ᐱᓕᕆᐊᕆᓂᐊᕐᓗᒋᑦ ᐱᕙᓪᓕᐊᓂᖓ ᐃᓄᖕᓄᑦ ᓯᕗᓪᓕᖅᐸᐅᑎᔭᐅᔪᒪᔪᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᑲᒪᒋᔭᖃᕐᓂᕐᒥᑦ ᓄᓇᑖᖅᓯᒪᓂᕐᒥᑦ ᐊᑐᓕᖅᑎᑦᑎᓂᕐᒧᑦ, ᐃᓄᐃᑦ ᖃᐅᔨᒪᔪᑦ ᐱᔭᐅᔭᕆᐊᓕᖕᓂᑦ ᓄᓇᓕᖏᓐᓂᑦ.  ᐃᓄᐃᑦ ᐃᑲᔪᖅᑐᐃᔪᑦ ᐋᖅᕿᒃᓯᓂᕐᓄᑦ, ᐊᒻᒪᓗ ᐱᓕᕆᖃᑎᒋᓂᐊᖅᑕᕗᑦ ᑕᒪᑐᒧᖓ ᐱᓕᕆᐊᖃᕐᓂᕐᒥᒃ.  ᐱᔭᒃᓴᖅᑕᖃᑦᑎᐊᖅᑐᖅ ᓱᓕ ᐊᒻᒪᓗ ᐱᓕᕆᖃᑎᒌᖏᓐᓇᕐᓂᐊᖅᑐᒍᑦ – ᑕᒡᕙᓂ ᐋᓪᓕᕋᐅᔭᕐᒥᑦ ᐊᒻᒪᓗ ᓯᓚᑖᓂᑦ – ᐃᓅᓯᖅ ᐱᐅᓯᓂᖅᓴᐅᓕᖅᑎᓐᓂᐊᕐᓗᒍ ᐊᒻᒪᓗ ᐊᔾᔨᒌᒃᑎᑦᑎᓂᖃᕐᓂᖅᓴᐅᓕᕐᓂᐊᕐᓗᒍ ᐃᓄᖕᓄᑦ ᐃᓄᐃᑦ ᓄᓇᖓᓃᑦᑐᓄᑦ.”

— ᐅᐱᓐᓇᖅᑐᖅ ᒋᐅᕆ ᐊᓇᓐᑕᓴᙵᖓᕇ, ᒥᓂᔅᑕ ᒐᕙᒪᑐᖃᒃᑯᑦ-ᓄᓇᖃᖅᖄᖅᑐᓄᑦ ᑲᒪᔨᒃᑯᓐᓄᑦ

“ᐅᒃᑯᐃᖓᓂᒃᑯᑦ ᐊᒻᒪᓗ ᓱᓕᓂᖃᕐᓂᒃᑯᑦ ᐅᖃᓪᓗᕆᒃᓴᐅᑎᓂᖏᑦ ᐃᓄᐃᑦ ᓯᕗᓪᓕᖅᑏᑦ, ᑲᓇᑕᒧᑦ ᐊᖏᔪᖅᖄᕐᔪᐊᖅ, ᐊᒻᒪᓗ ᒥᓂᔅᑕᐃᑦ ᐱᒻᒪᕆᐅᔪᖅ ᐊᓯᐊᙳᖅᓯᓂᐊᕐᓗᓂ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᓐᓄᑦ ᑕᒪᑐᒥᙵᑦ ᐱᓕᕆᐊᖃᕐᓂᐊᕐᓗᑎᒃ ᓴᖅᕿᑎᑕᐅᓚᐅᖅᖢᑎᒃ.  ᐱᓕᕆᐊᖑᔪᑎᒍᑦ ᒪᕐᕉᒃ ᐅᑭᐅᑦ ᐊᓂᒍᖅᑐᓂᑦ ᑐᓴᖅᑎᑦᑎᓚᐅᖅᑐᒍᑦ ᐃᓄᐃᑦ ᓄᓇᖓᓄᑦ ᐊᑐᐊᒐᕐᒥᑦ: ᓯᕗᓪᓕᖅᐹᖅ ᒐᕙᒪᑐᖃᒃᑯᑦ ᐊᑐᐊᒐᖓᑦ ᑎᑯᓕᐊᖅᖢᓂ ᒐᕙᒪᒃᑯᑦ ᐱᓂᐊᖅᑕᖓᓐᓄᑦ ᐊᔾᔨᒌᖓᓕᖅᑎᑦᑎᓂᕐᒧᑦ ᐃᓄᖕᓄᑦ ᖃᓄᐃᖓᓕᕐᓂᖃᕐᓗᓂ.  ᐅᑉᓗᒥ, ᓴᙱᔫᔪᒥᑦ ᓯᕗᒻᒧᒃᓯᒪᔪᒍᑦ ᐱᓕᕆᐊᖃᕐᓂᑉᑎᖕᓄᑦ ᐊᑐᓕᖅᑎᑕᐅᓂᖓᓄᑦ ᐊᑐᐊᒐᖅ.  ᐱᓕᕆᐊᖑᔪᖅ ᐊᑕᐅᑦᑎᒃᑯᑦ ᐱᕈᖅᐸᓪᓕᐊᓂᖃᕈᖕᓇᕐᓂᕐᒧᑦ, ᐊᒻᒪᓗ ᐱᕈᖅᐸᓪᓕᐊᓂᖃᕈᖕᓇᕐᓂᖏᓐᓄᑦ ᑲᓇᑕᒥᐅᑕᓗᒃᑖᑦ.”

— ᓇᑖᓐ ᐅᐱᐊᑦ, ᐊᖏᔪᖅᖄᖅ ᐃᓄᐃᑦ ᑕᐱᕇᑦ ᑲᓇᑕᒥ

ᐱᓐᓂᑯᐃᑦ ᕿᓚᒥᐅᔪᒃᑯᑦ ᑕᑯᓗᒋᑦ

  • ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᑦ ᐱᙳᖅᑎᑕᐅᓚᐅᖅᑐᑦ ᐊᑐᖅᑕᐅᑉᓗᓂ ᐊᔾᔨᒌᒃᑐᒃᑯᑦ ᐱᓕᕆᖃᑎᒌᖕᓂᐊᕐᓗᑎᒃ ᐃᓄᐃᑦ ᐊᒻᒪᓗ ᒐᕙᒪᑐᖃᒃᑯᑦ ᐱᒻᒪᕆᐅᒋᔭᐅᔪᖅ ᐋᖅᕿᖃᑎᒌᖕᓂᕐᒧᑦ. ᑲᑎᒪᔨᐊᓛᒃᑯᑦ ᐱᖓᓱᐃᖅᖢᑎᒃ ᐅᑭᐅᑉ ᐃᓗᐊᓂᑦ ᑲᑎᖃᑦᑕᖅᑐᑦ.  ᐊᑕᐅᓰᖅᖢᑎᒃ ᐅᑭᐅᑉ ᐃᓗᐊᓂᑦ, ᐃᒃᓯᕙᐅᑕᕆᔭᐅᖃᑕᐅᖃᑦᑕᖅᑐᖅ ᑲᓇᑕᒥᑦ ᐊᖏᔪᖅᖄᕐᔪᐊᖅ ᐊᒻᒪᓗ ᐊᖏᔪᖅᖄᖅ ᐃᓄᐃᑦ ᑕᐱᕇᑦ ᑲᓇᑕᒃᑯᓐᓄᑦ.
  • ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᑦ ᐃᓚᐅᑎᑦᑎᖃᑦᑕᕐᒥᔪᑦ ᐃᓚᐅᖃᑕᐅᖏᓐᓇᖅᑐᓂᒃ ᐊᖏᔪᖅᖄᖑᔪᓂᑦ ᑲᓇᑕᒥᑦ ᐃᓄᐃᑦ ᐅᑭᐅᖅᑕᖅᑐᓗᒃᑖᒥᑦ ᑲᑎᒪᔨᓂᑦ, ᑲᓇᑕᒥᑦ ᐃᓄᐃᑦ ᒪᒃᑯᒃᑐᑦ ᑲᑎᒪᔨᓂᑦ, ᐊᒻᒪᓗ ᐸᐅᒃᑑᑎᒃᑯᓐᓂᑦ.
  • ᐃᓚᐅᖃᑕᐅᔪᑦ ᐅᑉᓗᒥ ᑲᑎᒪᔪᓂᑦ ᐃᓚᐅᔪᑦ:
    • ᐊᖏᔪᖅᖄᕐᔪᐊᖅ ᔭᔅᑎᓐ ᑐᕉᑑ
    • ᒋᐅᕆ ᐊᓇᓐᑕᓴᙵᖓᕇ, ᒥᓂᔅᑕ ᒐᕙᒪᑐᖃᒃᑯᑦ-ᓄᓇᖃᖅᖄᖅᑐᓄᑦ ᑲᒪᔨᒃᑯᓐᓄᑦ
    • ᒥᓚᓂ ᔫᓕ, ᒥᓂᔅᑕ ᓄᓇᐃᑦ ᐊᓯᖏᓐᓂᓕᕆᔨᒃᑯᓐᓄᑦ
    • ᕗᕌᓐᓱᐊ-ᐱᓕᐱ ᑦᓵᒻᐲᓐ, ᒥᓂᔅᑕ ᓄᑖᖑᔪᓕᕆᓂᕐᓄᑦ, ᖃᐅᔨᓇᓱᒃᑐᓕᕆᓂᕐᒧᑦ ᐊᒻᒪᓗ ᐱᓕᕆᕝᕕᖕᓄᑦ
    • ᔨᓇ ᓴᑦᔅ, ᒥᓂᔅᑕ ᖃᑕᙳᑎᒌᓄᑦ, ᓱᕈᓯᕐᓄᑦ ᐊᒻᒪᓗ ᐃᓅᖃᑎᒌᑦ ᐱᕙᓪᓕᐊᔪᓕᕆᔨᒃᑯᓐᓄᑦ
    • ᑖᓐ ᕙᓐᑕᓪ, ᒥᓂᔅᑕ ᐅᑭᐅᖅᑕᖅᑐᒥᑦ ᑲᒪᔨᒃᑯᓐᓄᑦ, ᒥᓂᔅᑕ ᐱᔭᒃᓴᐅᑎᖃᖅᑐᖅ ᐳᕆᐊᕆᔅ ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᔪᓕᕆᔨᒃᑯᓐᓂᑦ ᐱᔾᔪᔾᔨᔨᒃᑯᓐᓄᑦ
    • ᐹᑎ ᕼᐊᑦᔪ, ᒥᓂᔅᑕ ᓄᓇᖃᖅᖄᖅᑐᓂᒃ ᐱᔨᑦᑎᕋᐃᔨᒃᑯᓐᓄᑦ ᐊᒻᒪᓗ ᒥᓂᔅᑕ ᐱᔭᒃᓴᐅᑎᖃᖅᑐᖅ ᒐᕙᒪᑐᖃᒃᑯᑦ ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᔪᓕᕆᔨᒃᑯᓐᓄᑦ ᐱᔾᔪᔾᔨᔨᓄᑦ ᐅᐊᖕᓇᖓᓄᑦ ᐋᓐᑎᐅᕆᐅ
    • ᑕᐃᐊᓐ ᓕᐴᑎᐅ, ᒥᓂᔅᑕ ᑲᓇᑕᒥᑦ ᐃᖃᓗᓕᕆᔨᒃᑯᓐᓄᑦ ᐊᒻᒪᓗ ᑲᓇᑕᒥᑦ ᓯᒡ’ᔭᓂᒃ ᒥᐊᓂᖅᓯᔨᒃᑯᓐᓄᑦ
    • ᓵᓐ ᕗᕇᓱ, ᒥᓂᔅᑕ ᐃᒡᓗᓕᕆᔨᒃᑯᓐᓄᑦ, ᐱᖁᑎᓄᑦ ᐊᒻᒪᓗ ᓄᓇᓕᖕᓄᑦ
    • ᐱᐅᓪ ᐱᓕᐅᕐ, ᒥᓂᔅᑕ ᑲᓇᑕᒥᑦ ᐅᓇᑕᖅᑐᒃᓴᒃᑯᓐᓄᑦ
    • ᓇᑖᓐ ᐅᐱᐊᑦ, ᐊᖏᔪᖅᖄᖅ ᐃᓄᐃᑦ ᑕᐱᕇᑦ ᑲᓇᑕᒥ
    • ᑐᐄᓐ ᓯᒥᑦ, ᐃᒃᓯᕙᐅᑕᖅ ᐊᒻᒪᓗ ᐊᖏᔪᖅᖄᖅ, ᐃᓄᕕᐊᓗᐃᑦ ᑯᐊᐳᕇᓴᒃᑯᓐᓄᑦ
    • ᐊᓗᑭ ᑰᑦᑎᖅ, ᐊᖏᔪᖅᖄᖅ ᓄᓇᕗᑦ ᑐᙵᕕᒃᑯᓐᓄᑦ
    • ᔪᐊᓐᔅ ᓚᒻᐱ, ᐊᖏᔪᖅᖄᖅ, ᓄᓇᑦᓯᐊᕗᑦ
    • ᐲᑕ ᐋᑕᒥ, ᐊᖏᔪᖅᖄᖅ, ᒪᑭᕝᕕᒃ
    • ᓈᓐᓯ ᐃᑐᒃ, ᐊᖏᔪᖅᖄᖅ, ᐸᐅᒃᑑᑎᒃᑯᓐᓄᑦ
  • ᑐᒃᓯᕋᐅᑕᐅᔪᖅ ᑲᒥᓯᓇ ᐅᑉᓗᒥᐅᔪᖅ ᐊᖏᖃᑎᒌᒍᑎᒧᑦ ᐊᑐᓕᖅᑎᑦᑎᓂᕐᒥᑦ ᐱᔾᔪᔾᔨᔨᐅᔪᑑᕋᔭᖅᑐᖅ ᒪᓕᒐᓕᐅᕐᕕᒡᔪᐊᕐᒥᑦ. ᑲᒥᓯᓇᐅᑉ ᐱᓕᕆᐊᖓ ᐱᕙᓪᓕᐊᖃᑕᐅᓂᐊᕐᓗᓂ ᐅᑉᓗᒥᐅᔪᖅ ᐊᖏᖃᑎᒌᒍᑎᒧᑦ ᐱᓕᕆᖃᑎᒋᔭᐅᔪᓂᑦ ᐃᖕᒥᒃᑰᖓᔪᒃᑰᖓᓂᐊᕐᓗᑎᒃ, ᐅᒃᐱᕐᓇᖅᑑᓗᑎᒃ, ᐊᔪᙱᑦᑑᓗᑎᒃ, ᐊᒻᒪᓗ ᐊᔪᙱᑦᑐᒃᑯᑦ ᑲᒪᒋᔭᖃᕐᓂᐊᕐᓗᓂ ᐅᑉᓗᒥᐅᔪᖅ ᐊᖏᖃᑎᒌᒍᑎᒧᑦ ᐊᑐᓕᖅᑎᑦᑎᓂᕐᒥᑦ, ᐊᒻᒪᓗ ᒐᕙᒪᑐᖃᒃᑯᑦ ᒐᕙᒪᖏᓐᓂᒃ ᐱᔭᒃᓴᐅᑎᖃᖅᑎᑦᑎᓗᓂ ᒪᓕᒐᓕᐅᕐᕕᒡᔪᐊᕐᒥᑦ ᐅᑉᓗᒥᐅᔪᖅ ᐊᖏᖃᑎᒌᒍᑎᒧᑦ ᐱᔭᒃᓴᐅᑎᐅᔪᓄᑦ, ᐱᔭᕆᐊᓕᖕᓄᑦ, ᐊᒻᒪᓗ ᐱᓕᕆᖃᑎᒌᖕᓂᐅᔪᓄᑦ.
  • ᑲᒥᓯᓇ ᓇᓗᙱᓐᓂᖃᕆᐊᖃᖅᑐᖅ ᓄᓇᖃᖅᖄᖅᑐᑦ ᐅᑉᓗᒥᐅᔪᒥᑦ ᐊᖏᖃᑎᒌᒍᑎᒧᑦ ᐱᓕᕆᖃᑎᒋᔭᐅᔪᓄᑦ, ᐊᒻᒪᓗ ᖃᐅᔨᒋᐊᖃᑦᑕᕐᓂ ᓄᓇᖃᖅᖄᖅᑐᑦ ᐅᑉᓗᒥᐅᔪᖅ ᐊᖏᖃᑎᒌᒍᑎᒧᑦ ᐱᓕᕆᖃᑎᒋᔭᐅᔪᓂᑦ ᐱᒻᒪᕆᐅᓂᐊᖅᑐᖅ ᐃᓚᒋᔭᐅᓗᓂ ᒪᓕᒐᒧᑦ ᐊᒻᒪᓗ ᑎᒃᑯᐊᖅᓯᓂᕐᓄᑦ.
  • ᐃᓄᐃᑦ ᓄᓇᖓᑦ ᐃᓄᖕᓄᑦ ᐊᖏᕐᕋᕆᔭᐅᔪᖅ ᑲᓇᑕᒥᑦ. ᐊᕙᓗᓯᒪᔪᖅ ᓄᓇᒥᑦ, ᐃᒪᕐᒥᑦ, ᐊᒻᒪᓗ ᓯᑯᒥᑦ ᐃᓄᐃᑦ ᓄᓇᑖᖅᓯᒪᔭᖏᓐᓂᑦ ᐃᓂᐅᔪᓂᑦ ᐃᓄᕕᐊᓗᐃᑦ ᓄᓇᑐᖃᖓᓐᓂᑦ ᓄᓇᑦᑎᐊᕐᒥᑦ ᐊᒻᒪᓗ ᔫᑳᓐᒥᑦ, ᓄᓇᕗᒻᒥᑦ, ᓄᓇᕕᒃᒥᑦ ᐅᐊᖕᓇᖅᐸᓯᖓᓂᑦ ᑯᐸᐃᒃ, ᐊᒻᒪᓗ ᓄᓇᑦᓯᐊᕗᑦᒥᑦ ᐅᐊᖕᓇᖅᐸᓯᖕᒥᑦ ᓛᐸᑐᐊᒥᑦ.
  • ᐱᕙᓪᓕᐊᖃᑕᐅᓂᖅ ᐊᒻᒪᓗ ᐊᑐᓕᖅᑎᑦᑎᓂᖅ ᐃᓄᐃᑦ ᓄᓇᖓᓂᑦ ᐊᑐᐊᒐᕐᒥᑦ ᓯᕗᓪᓕᖅᐸᐅᑎᔭᐅᓯᒪᔪᖅ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᓐᓄᑦ ᑕᐃᒪᙵᓂᑦ ᓇᑦᑎᐊᑦ 2020-ᒥᑦ. ᐃᓄᐃᑦ ᓄᓇᖓᓄᑦ ᐊᑐᐊᒐᖅ, ᐱᒋᐊᖅᑎᑕᐅᓚᐅᖅᑐᖅ ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᓐᓂᑦ ᓯᕗᓕᐅᖅᑎᓄᑦ 2022-ᒥᑦ, ᓇᓗᓇᐃᖅᓯᔪᖅ ᓯᕗᓪᓕᖅᐹᒥᑦ ᑲᓇᑕᒥᑦ ᒐᕙᒪᒃᑯᑦ ᐱᕙᓪᓕᐊᖃᑕᐅᓯᒪᓂᖏᓐᓂᒃ ᖃᓕᕇᖓᔪᒥᒃ, ᐃᓗᐃᑦᑑᔪᒥᒃ ᒐᕙᒪᒃᑯᓐᓄᑦ ᐊᑐᐊᒐᐅᔪᒥᒃ ᑕᐃᒪᓐᓇᐃᑑᔪᒥᑦ.
  • ᐃᓄᐃᑦ ᓄᓇᖓᓂᑦ ᐊᑐᐊᒐᖅ ᐃᓕᑕᖅᓯᔪᖅ ᐃᓄᐃᑦ ᓄᓇᖓᓂᑦ ᐊᔾᔨᐅᖏᑦᑑᑉᓗᓂ ᓄᓇᐅᓂᖓᓄᑦ, ᐱᖅᖁᓯᖃᕐᓂᖏᓐᓄᑦ, ᐊᒻᒪᓗ ᒐᕙᒪᖃᕐᓂᖓᓄᑦ. ᑎᑎᕋᖅᓯᒪᔪᖅ ᐊᑐᖅᑕᐅᔪᒥᒃ ᖃᓄᐃᑦᑑᓂᐊᕐᓂᖓᓄᑦ ᐊᒻᒪᓗ ᓄᑖᙳᖅᑕᐅᓗᑎᒃ ᒐᕙᒪᑐᖃᒃᑯᓐᓂᑦ ᐊᑐᐊᒐᓗᒃᑖᑦ, ᑐᕌᖓᔪᑦ, ᐱᔨᑦᑎᕋᐅᑏᑦ, ᐊᒻᒪᓗ ᐱᓕᕆᐊᒃᓴᐃᑦ ᐊᑐᖅᑐᓂᒃ ᐃᓄᐃᑦ ᓄᓇᖓᓄᑦ ᐅᕝᕙᓘᓐᓃᑦ ᐃᑲᔫᑕᐅᔪᑦ ᐃᓄᖕᓄᑦ.   ᐊᑐᖅᑕᐅᔪᖅ ᐱᐅᓯᒋᐊᖅᓯᓂᐊᖅᑐᖅ ᑎᑯᓕᐊᖅᓯᒪᓂᖏᑦ ᐃᓄᐃᑦ ᓄᓇᖓᑦ ᐊᒻᒪᓗ ᐃᓚᐅᖃᑕᐅᑎᓪᓗᒋᑦ ᐃᓄᐃᑦ ᐱᕙᓪᓕᐊᓂᐅᔪᓄᑦ.
  • ᒪᓕᒃᑎᑦᑎᔪᖅ ᐃᓄᐃᑦ ᓄᓇᖓᓂᑦ ᐊᑐᐊᒐᒧᑦ ᐃᓕᑕᖅᓯᓂᖅ ᒐᕙᒪᑐᖃᒃᑯᑦ ᐱᑖᖅᓯᒪᔭᖏᓐᓂᑦ ᐃᓄᖕᓄᑦ ᐊᒻᒪᓗ ᐃᓄᐃᑦ ᓄᓇᖓᓄᑦ ᐱᒻᒪᕆᐅᖕᒪᑕ ᐃᓚᒋᔭᐅᑉᓗᑎᒃ ᐱᔪᖕᓇᐅᑎᖏᓐᓄᑦ ᐃᓄᐃᑦ ᐃᖕᒥᖕᓂᒃ-ᖃᐅᔨᔪᖕᓇᕐᓂᕐᒧᑦ ᐊᒻᒪᓗ ᐃᖕᒥᓂᒃ-ᒐᕙᒪᖃᕐᓂᕐᒧᑦ. ᐊᑐᐊᒐᖅ ᖃᓄᐃᓕᐅᖅᑎᑦᑎᔪᖅ ᒐᕙᒪᒃᑐᖃᒃᑯᑦ ᐊᐅᓚᑦᑎᔨᖏᓐᓄᑦ ᐃᓱᒪᒋᔭᐅᓂᐊᕐᓗᑎᒃ ᐊᔾᔨᐅᖏᑦᑑᔪᑦ ᐱᔪᖕᓇᐅᑎᖏᑦ, ᐱᔪᒪᓂᖏᑦ, ᐊᒻᒪᓗ ᖃᓄᐃᖓᓂᖏᑦ ᐃᓄᐃᑦ ᐊᑐᖅᑕᖏᓐᓂᑦ ᑮᓇᐅᔭᖃᖅᑎᑕᐅᓂᐊᕐᓗᑎᒃ ᐃᓄᐃᑦ ᓄᓇᑖᖅᓯᒪᓂᖏᓐᓄᑦ ᐊᐅᓚᑦᑎᔨᐅᔪᑦ.
  • ᐃᓄᐃᑦ-ᒐᕙᒪᑐᖃᒃᑯᑦ ᐱᓕᕆᖃᑎᒌᖕᓂᖏᓐᓄᑦ ᑲᑎᒪᔨᐊᓛᒃᑯᑦ ᒫᓐᓇᐅᔪᖅ ᓯᕗᓪᓕᖅᐸᐅᑎᔪᒪᔭᖏᓐᓂᑦ ᐃᓚᐅᔪᑦ:
    • ᐃᓄᐃᑦ ᓄᓇᑖᖅᓯᒪᓂᖏᓐᓄᑦ ᐊᑐᓕᓯᖅᑎᑦᑎᓂᖅ;
    • ᐃᓄᒃᑎᑐᑦ ᐅᖃᐅᓯᖅ ᐆᒻᒪᖅᑎᑕᐅᒃᑲᓐᓂᕐᓗᓂ, ᐱᓕᕆᐊᖑᓗᓂ, ᒥᐊᓂᕆᔭᐅᓗᓂ, ᐊᒻᒪᓗ ᓴᖅᕿᔮᖅᑎᑕᐅᓗᓂ;
    • ᐃᓄᐃᑦ ᓄᓇᖓᓂᑦ ᐊᑐᐊᒐᕐᒧᑦ ᐃᓂᖃᖅᕐᓗᓂ;
    • ᐋᖅᕿᖃᑎᒌᖕᓂᕐᒧᑦ ᐱᓕᕆᐊᖃᕐᓗᓂ ᐊᒻᒪᓗ ᐅᕗᖓ ᐊᓯᐅᓯᒪᔪᑦ ᐊᒻᒪᓗ ᐃᓄᐊᖅᑕᐅᓯᒪᔪᑦ ᓄᓇᖃᖅᖄᖅᑐᑦ ᐊᕐᓇᐃᑦ ᐊᒻᒪᓗ ᓂᕕᐊᖅᓯᐊᑦ;
    • ᐃᓕᓐᓂᐊᕐᓂᖅ, ᐅᑭᐅᖃᓕᓵᖅᑐᑦ ᐃᓕᓐᓂᐊᖅᑎᑕᐅᓂᖏᑦ, ᐊᒻᒪᓗ ᐊᔪᙱᓐᓂᖅᑖᕐᓂᕐᒧᑦ ᐱᕙᓪᓕᐊᓂᖅ:
    • ᐋᓐᓂᐊᖃᖅᑕᐃᓕᒪᓂᖅ ᐊᒻᒪᓗ ᖃᓄᐃᖏᑦᑎᐊᕐᓂᖅ;
    • ᐊᕙᑎ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ;
    • ᐃᒡᓗᓕᕆᓂᖅ;
    • ᐱᖁᑏᑦ;
    • ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᓂᖅ ᐊᒻᒪᓗ ᐱᑖᖅᑐᕐᓂᖅ;
    • ᒪᓕᒐᐃᑦ ᓯᕗᓪᓕᖅᐸᐅᑎᔭᕆᐊᓖᑦ;
    • ᓄᓇᕐᔪᐊᕐᒥᑦ ᓇᓂᑐᐃᓐᓇᖅ ᐃᓄᐃᑦ ᓯᕗᓪᓕᖅᐸᐅᑎᔭᕆᐊᓖᑦ;
    • ᖃᐅᔨᓴᐃᓂᖅ, ᕿᒥᕐᕈᓂᖅ, ᐊᒻᒪᓗ ᐃᓕᑦᑎᓂᖅ;
    • ᐊᐅᓚᑦᑎᓂᕐᒧᑦ ᓴᙱᓂᖃᕐᓂᖅ, ᓴᐳᒻᒥᓯᒪᓂᖅ, ᐊᒻᒪᓗ ᒥᐊᓂᖅᓯᓂᖅ; ᐊᒻᒪᓗ
    • ᐊᖏᕐᕋᖃᙱᓐᓂᖅ.

ᐃᓚᒋᔭᐅᔪᑦ ᑕᐃᑯᙵᕈᖕᓇᐅᑏᑦ