ᐃᓄᐃᑦ ᑕᐱᕇᑦ ᑲᓇᑕᒥ 2024-2028 ᖃᓄᖅᑑᕈᑎᓕᐊᖑᓯᒪᓪᓗᑎᒃ ᐸᕐᓇᐅᑎᖏᑦ ᐃᑲᔪᕈᑎᒃᓴᕆᔭᐅᕗᑦ ᑲᑐᔾᔨᖃᑎᒌᖑᔪᓄᑦ ᐱᓕᕆᐊᒃᓴᕆᔭᐅᓂᐊᖅᑐᓂᒃ ᐅᑭᐅᑦ ᓯᑕᒪᑦ (4) ᐊᑐᖅᐸᓪᓕᐊᓂᖏᓐᓂ. ᑖᒃᑯᐊ ᐸᕐᓇᐅᑏᑦ ᐱᒻᒪᕆᐅᑎᐅᓪᓗᑎᒃ ᓴᐳᔾᔨᒋᐊᖅᑎᐅᓂᕐᒥ ᓴᓇᕐᕈᑎᒃᓴᕆᔭᐅᕗᑦ ᐃᓄᐃᑦ ᑲᑎᓐᓂᖃᖅᓯᒪᓗᑎᒃ ᐊᒻᒪᓗ ᐊᒥᖅᑲᕈᑎᖃᕈᓐᓇᖁᓪᓗᒋᑦ ᓯᕗᓪᓕᖅᐸᐅᑎᑕᐅᖁᔭᒥᓐᓂᒃ.
ᑖᒃᑯᓇᓂ ᐸᕐᓇᐅᑎᓂ ᑐᕌᕐᕕᒃᓴᖁᑎᒋᔭᐅᔪᑦ, ᐱᓕᕆᐊᖑᔪᑦ ᐊᒻᒪᓗ ᓴᖅᑭᑎᑕᐅᓯᒪᓕᕈᓐᓇᖅᑐᑦ ᑲᑐᔾᔭᐅᓪᓗᑎᒃ ᐃᓱᒪᓕᐅᕈᑎᐅᓯᒪᕗᑦ ᐃᓄᐃᑦ ᐊᖏᕈᑎᖃᖅᓯᒪᔪᑦ ᑲᑐᔾᔨᖃᑎᒌᖏᓐᓂᑦ (ITOs), ᐃᓄᕕᐊᓗᐃᑦ ᐊᕕᒃᑐᖅᓯᒪᓂᕐᒥ ᑯᐊᐳᕇᓴᖓᓂᑦ, ᓄᓇᕗᑦ ᑐᖖᒐᕕᒃ ᑎᒥᖁᑎᖓᓐᓂᑦ, ᒪᑭᕕᒃᑯᓐᓂᑦ ᐊᒻᒪᓗ ᓄᓇᑦᓯᐊᕗᑦ ᒐᕙᒪᖓᓐᓂ, ᐊᒻᒪᓗ ᐊᑐᓕᖅᑎᑕᐅᓂᐊᖅᓱᑎᒃ ᐋᖅᑭᒃᓱᐃᖃᑎᒌᑦᓯᐊᕐᓂᖏᑎᒍᑦ ᑕᒪᕐᒥᐅᓪᓗᑎᒃ ᓯᑕᒪᐅᔪᑦ ᑲᑐᔾᔨᖃᒌᒋᔭᖏᓐᓂᑦ. ᖃᓄᖅᑑᕈᑎᓕᐊᖑᓯᒪᓪᓗᑎᒃ ᐸᕐᓇᐅᑏᑦ ᐃᑲᔪᕈᑎᐅᓂᐊᕐᒥᔪᑦ ᓴᓇᕐᕈᑎᖃᕐᓂᕐᒥᒃ ᖃᐅᔨᒋᐊᖅᐸᓐᓂᐊᕐᓂᕐᒧᑦ ᐃᓄᐃᑦ ᑕᐱᕇᑦ ᑲᓇᑕᒥ ᓯᕗᒻᒧᒃᑎᑦᑎᒋᐊᖅᓯᒪᓕᕐᓂᖏᓐᓄᑦ.